ކޮފީގައި ހިމެނޭ ކެފެއިންގެ ޒަރިއްޔާއިން ބަރުދަން ލުއިކުރެވޭނެ ކަމަށް އިލްނޮއިސް ޔުނިވަސިޓީގެ ސައިންޓިސްޓުން ހެދި ދިރާސާއަކުން ދައްކައިފިއެވެ.

މީދާ ބޭނުންކޮށްގެން ހެދި މިދިރާސާގެ ނަތީޖާއަށް ވާސިލްވުމަށްޓަކައި ދިރާސާޓިމުން ވަނީ މި މީދާތަކަށް ހަތަރު ހަފްތާ ވަންދެން ކެފެއިން ގިނަ އަދަދަކަށް ހިމެނޭ މޭޓް ޓީ، ސިންތެޓިކް ކެފެއިން އަދި ކޮފީ ދީފަ އެވެ.

މި ދިރާސާގައި ވާގޮތުން މި މުއްދަތުގައި މި މީދާތަކަށް ކާންދީފައިވަނީ 40 އިންސައްތަ ފެޓްސް އާއި 45 އިންސައްތަ ކާބޯހައިޑްރޭޓްސް އަދި 15 އިންސައްތަ ޕްރޮޓީން ހިމެނޭ ކާނާއެވެ. އޭގެއިތުރުން ކެފެއިން ދީފައިވަނީ 4 ތަށި ކޮފީގައި ހިމެނޭ ވަރަށެވެ.

މި ދިރާސާގެ ނަތީޖާއިން ދައްކާގޮތިން މި މުއްދަތުގެ ތެރޭގައި ތަހްލީލަށް ބޭނުންކުރި މީދާތަކުގެ ގައިން ވަނީ 16 އިންސައްތަ ބަރުދަން ލުއިވެފަ އެވެ. އަދި އަދި ކެފެއިން ނުހިމެނޭ ބުއިންތަކަށްވުރެ، 22 އިންސައްތަ ފެޓްސް މި މީދާތަކުގެ ހަށިގަނޑުން  މަދުވެފައިވާ ކަމަށްވެސް ދިރާސާގެ ޓީމުން ވަނީ ބުނެފަ އެވެ. 

މި ދިރާސާއަށްފަހު ދިރާސާގެ ޓީމުން ބުނެފައިވަނީ ކެފެއިންގެ ސަބަބުން ކާ ޑައިޓަށްވެސް އަސަރު ފޯރާ ކަމަށެވެ. އެގޮތުން ފެޓް ސެލްސްގައި ހުންނަ ލިޕިޑް ސްޓޯރޭޖް މަދުކޮށް، ބަރުވުން ލިމިޓްކޮށް، ޓްރައިގްލައިސެރިޑްސްއަށްވެސް އަސަރުކުރުވާ ކަމަށް ވަނީ ބުނެފައެވެ. 

"މި ދިރާސާތަކަށް ބަލާނަމަ ކެފެއިން ފާހަގަކުރެވެނީ ބަރުދަން ލުއިކުރުމަށް އެހީވެދޭ އެއްޗެއްގެ ގޮތުގައި" ދިރާސާ ޓީމުގެ ކޯ އޯތަރ އެލްވިރާ ގޮންޒަލެޒެ ވެސް ވަނީ ބުނެފަ އެވެ.

ގުޅުންހުރި ލިޔުންތައް

ފަހުގެ ލިޔުންތައް