އައްޑޫ އިކުއެޓޯރިއަލް ހޮސްޕިޓަލް (އޭއީއެޗް)ގައި ފުރަތަމަ ފަހަރަށް ކަކަލުހުޅު ބަދަލުކުރުން (ނީ ރިޕްލޭސްމަންޓް) ސާޖަރީއެއް ކޮށްފި އެވެ.
ކާމިޔާބުކަމާއެކު ކަކުލުހުޅު ބަދަލުކުރުމުގެެ އޮޕަރޭޝަން ކޮށްފައިވަނީ ކަށީގެ ހާއްސަ ޑޮކްޓަރެއް ކަމަށްވާ، ޑރ. ގުސްތާވޯ، ޑރ. ހަޒެމް އަދި ޑރ. މުންޝިދުގެ ޓީމުންނެވެ.
އޭއީއެޗްގެ މި ކާމިޔަަބީ ފާހަގަކޮށް އެ ހޮސްޕިޓަލުން ކޮށްފައިވާ ޓްވީޓްގައި ވާގޮތުން މި އޮޕަރޭޝަން ކުރުމުގައި އައިޖީއެމްއެޗްގެ އިސް ބައެއް ނަރުހުން ވެސް ވަނީ ހަރަކާތްތެރިވެފަ އެވެ.
Our Orthopaedic team performed the first knee replacement surgeries at AEH yesterday (8.11.2020). Congratulations to the team for surpassing another milestone in Orthopaedic surgery in AEH @presidencymv @MoHmv pic.twitter.com/WFS1mMvzhP
— Addu Equatorial Hospital (@aeh_mv) November 9, 2020
އޭއީއެޗްގައި ކަކުލުހުޅު ބަދަލުކޮށްފައި ވަނީ އުމުރުން 68 އަދި 71 އަހަރުގެ ދެ މީހުންގެ އެވެ. އަދި މި ދެމީހުންގެ ހާލުވެސް ރަނގަޅުކަމަށް އޭއީއެޗުން ބުނެއެވެ.
އަދި އަލަށް މި ކުރި ކަކަލުހުޅު ބަދަލުކުރުމުގެ އޮޕަރޭޝަން އާއެކު، މިއަދުން ފެށިގެން އެ ހޮސްޕިޓަލުން މިފަދަ އޮޕަރޭޝަން ކުރެވޭނެކަމަށްވެސް ވަނީ ބުނެފަ އެވެ.
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (0)