ޔުނިސެފް އިން ރާއްޖެ އަށް ސިއްހީ ދާއިރާ އިތުރަށް ހަރުދަނާ ކުރުމަށް ބޭނުންވާ ގިނަ ތަކެތި ހަދިޔާކޮށްފި އެވެ.
ރާއްޖެ އިން ކޮވިޑް-19 އާއި ދެކޮޅަށް ކުރަމުން އަންނަ މަސައްކަތަށް އެހީތެރިވެ ދިނުމުގެ ގޮތުން ޔުނިސެފުން ހަދިޔާ ކުރި ތަކެތީގެ ތެރޭގައި ޕާސަނަލް ޕްރޮޓެކްޓްޓިވް އިކުއިޕްމަންޓް (ޕީޕީއީ) އާއި ސެނިޓައިޒާ އާއި ސައިބޯނި ހިމެނެ އެވެ.
UNICEF continues supporting the Gov. of Maldives in the #COVID19 response by supplying MVR 7.1 million worth of PPE items & WASH supplies. This includes:
— UNICEF Maldives (@UNICEFMaldives) July 22, 2020
😷 30,950 surgical masks
💨 16,971 N95 respirators
🥼 40,000 gowns
🥽 1,408 goggles
🛡️47,040 face shields
(1/2) pic.twitter.com/szs1eKe5Bo
ޔުނިސެފްގެ ފަރާތުން ތަކެތި ހަދިޔާ ކޮށްދެއްވާފައިވަނީ ޔުނިސެފުން ހެލްތު މިނިސްޓްރީގައި ބޭއްވި ރަސްމިއްޔާތެއްގައި ރާއްޖެ އަށް ކަނޑައަޅާފައިވާ މަންދޫބު ޑރ. މުނީރު އަލް ސަފީލްދީން އެވެ. އަދި ތަކެއްޗާ ރާއްޖޭގެ ފަރާތުން ހަވާލުވީ މިނިސްޓަރު އަބްދުﷲ އަމީނެވެ. ޔުނިސެފުން ހަދިޔާކުރި މި ތަކެތީގެ އަގު 6.5 މިލިއަން ރުފިޔާ އަށް އަރާ ކަމަށް ހެލްތު މިނިސްޓްރީން ބުންޏެވެ.
އެ ރަސްމިއްޔާތުގައި ހެލްތު މިނިސްޓަރު އަމީން ވިދާޅުވީ މިއަދު ލިބުނު ޕީޕީއީތަކާ އެކު އަތޮޅުތެރޭގައި ކޮވިޑާ ދެކޮޅަށް ކުރެވޭ މަސައްކަތް އިތުރަށް ހަރުދަނާ ކުރެވިގެން ދާނެ ކަމަށެވެ.
ކޮވިޑް-19 އާއި ގުޅިގެން ރާއްޖެއަށް ވަީ ސިއްހީގޮތުން މަސައްކަތްކުރާ ގިނަ ޖަމިއްޔާތަކަކާއި އަދި ދުނިޔޭގެ ބޮޑެތި ޤައުމުތަކުގެ އެހީ ލިބިފަ އެވެ.
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (0)