މިއަދުގެ މިހާތަނަށް ކޮވިޑް-19 އަށް ޕޮޒިޓިވްވެފައި ވަނީ 22 މީހުން ކަމަށް އެޗްޕީއޭއިން ބުނެފި އެވެ.

އޭގެ ތެރޭގައި ހިމެނެނީ ނުވަ ދިވެހީންނާއި، ބަންގްލަދޭޝްގެ ނުވަ މީހަކާއި، ނޭޕާލްގެ ދެ މީހަކާއި، އިންޑިއާ މީހަކާއި ތައިލެންޑުގެ މީހެކެވެ.  22 މީހުންނާއެކު ރާއްޖޭގެ އަދަދު ވަނީ 2,035 އަށް އަރާފައެވެ.

ކޮވިޑް ޖެހުނު މީހުންގެ ތެރެއިން ގިނަ ބަޔަކު މިއަދު ވަނީ ރަނގަޅުވެފަ އެވެ. އެގޮތުން 94 މީހަކު ވަނީ ރަނގަޅުވެފަ އެވެ. އަދި ބަލިން ރަނގަަޅުވި މީހުންގެ ޖުމްލަ ވަނީ 1،311 އަށް އަރައިފައެވެ.

އެހެންކަމުން މިވަގުތު ބަލި ޖެހިގެން ފަރުވާ ހޯދަމުން އަންނަނީ 714 މީހުންނެވެ. މިއަދު 22 މީހަކު ޕޮޒިޓިވްވި އިރު، މިއަދު ވަނީ 629 ސާމްޕަލް އެއް ޓެސްޓުކޮށްފައެވެ.

ކޮވިޑް ބަލީގައި ރާއްޖެއިން އަށް މީހަކު ވަނީ މަރުވެފަ އެވެ. އެއީ ހަތަރު ދިވެހިންނާއި ހަތަރު ބިދޭސީންނެވެ.

ގުޅުންހުރި ލިޔުންތައް

ފަހުގެ ލިޔުންތައް