މިއަދު ރާއްޖެެއިން ވަނީ 10 މީހަކު ކޮވިޑް-19އަށް ޕޮޒިޓިވްވެ، 24 މީހަކު ބަލިން ރަނގަޅުވެފައެވެ.

މިއަދު ޕޮޒިޓިވްވެފައި ވަނީ ބަންގްލަދޭޝްގެ ހަތް މީހަކާއި، ނޭޕާލްގެ ދެ މީހަކާއި ދިވެއްސެކެވެ. މިއާއެކު ރާއްޖެއިން ކޮވިޑް-19އަށް ޕޮޒިޓިވްވި މީހުންގެ އަދަދު ވަނީ 2013އަށް އަރައިފައެވެ.

 ހަމައެހެން މެ  މިއަދު ބަލިން ރަނގަޅުވި 24  މީހުންނާއެކު، ބަލިން ރަނގަޅުވި  މީހުންގެ އަދަދު ވަނީ 1217އަށް އަރައިފައެވެ. 

އެހެންކަމުން މިވަގުތު ރާއްޖޭގައި ކޮވިޑް-19އަށް ފަރުވާދެމުން ދަނީ 786 މީހުންނަށްކަމަށް މިރޭގެ ނޫސްވެރިންގެ ބައްދަލުވުމުގައި އެޗްޕީއޭގެ ފަރާތުން ވަނީ ބުނެފަ އެވެ. 

ރާއްޖެއިން މިހާތަނަށް ބަލީގައި މަރުވެފައި ވަނީ އަށް މީހުންނެވެ. އެއީ ހަތަރު ދިވެހީންނާއި ބަންގްލަދޭޝް ހަތަރު  މީހުންނެވެ.

ގުޅުންހުރި ލިޔުންތައް

ފަހުގެ ލިޔުންތައް