މިއަދު 14 މީހުން ކޮވިޑް-19އަށް ޕޮޒިޓިވްވި އިރު 32 މީހުން ވަނީ ބަލިން ރަނގަޅުވެފަ އެވެ.

އެޗްޕީއޭއިން ބުނީ ކޮވިޑަށް ޕޮޒިޓިވްވި 14 މީހުންގެ ތެރޭގައި ހިމެނެނީ ފަސް ދިވެހިންނާއި ނުވަ ބިދޭސީން ކަމަށެވެ. އެއީ ބަންގްލަދޭޝްގެ 8 މީހުންގެ އިތުރުން ލަންކާ މީހެކެވެ.

މީގެ އިތުރުން 32 މީހުން ބަލިން ރަނގަޅުވެ، ބަލިން ރަނގަޅުވި މީހުންގެ ޖުމްލަ އަދަދު 1153އަށް އަރާފައިވާ ކަމަށް އެޗްޕީއޭއިން ބުންޏެވެ.

ރާއްޖެއިން ކޮވިޑަށް ޕޮޒިޓިވްވި މީހުންގެ އަދަދު ވަނީ 1976 އަށް އަރާފައެވެ. މިހާތަނަށް 33،018 މީހުންގެ ސާމްޕަލް ވަނީ ނަގާފައެވެ. އެޗްޕީއޭއިން ބުނި ގޮތުގައި، މިވަގުތު 306 މީހަކު ބައްޔާ ގުޅިގެން ކަރަންޓީނުކޮށްފައި އެބަ ތިއްބެވެ. އަދި 797 މީހުން އައިސޮލޭޓުކޮށްފައި އެބަ ތިއްބެވެ.

ކޮވިޑްގައި ރާއްޖެއިން 8 މީހަކު ވަނީ މަރުވެފައެވެ. އެއީ ހަތަރު ދިވެހިންނާއި ހަތަރު ބިދޭސީންނެވެ.

ގުޅުންހުރި ލިޔުންތައް

ފަހުގެ ލިޔުންތައް