ކޮވިޑް-19 އަށް މިއަދު ނުވަ މީހަކު ޕޮޒިޓިވްވެ އަދި އިތުރު 36 މީހަކު މި ބަލިން ވަނީ ރަނގަޅުވެފަ އެވެ.

މިއާއެކު ރާއްޖެއިން އެ ބަލި ޖެހުނު މީހުންގެ އަދަދު 1,850 އަށް އަރާފަ އެެވެ. މިއަދު ނުވަ މީހުން ޕޮޒިޓިވްވި އިރު، އިއްޔެ ޕޮޒިޓިވްވެފައި ވަނީ 12 މީހެކެވެ. އަދި ބަލިން ރަނގަޅުވި މީހުންގެ އަދަދު ވަނީ 644 އަށް އަރައިފަ އެވެ. ބަލީގައި މިހާތަނަށް މަރުވީ ހަތް މީހެކެވެ.

އެޗްޕީއޭއިން ބުނީ މިއަދު ޕޮޒިޓިވްވީ މީހުންގެ ތެރޭގައި ހިމެނެނީ ބަންގްލަދޭޝްގެ ދެ ރައްޔިތަކާއި، ހަތް ދިވެހިން ކަމަށެވެ.

ކޮވިޑް-19 އަށް ކުރާ ޓެސްޓްތަކުގެ ނަތީޖާ އެޗްޕީއޭ އިން މިހާރު އިއުލާނުކުރަނީ ކޮންމެ ދުވަހެއްގެ ހެނދުނު 6:00 އިން އަނެއް ދުވަހުގެ އިރުއޮއްސި 6:00 އާ ހަމަ އަށް ނަތީޖާ ލިބޭ ސާމްޕަލްތަކުންނެވެ.

މިއަދު 6:00 އާ ހަމަ އަށް ބަލާއިރު މިހާރު ބަލީގައި ފަރުވާ ހޯދަމުން އަންނަ މީހުންގެ އަދަދަކީ 1،197 އެވެ. އައިސޮލޭޝަންގައި 1،248 މީހަކު ތިބި އިރު ކަރަންޓީނުގައި 1،484 މީހަކު އެބަ ތިއްބެވެ.

ގުޅުންހުރި ލިޔުންތައް

ފަހުގެ ލިޔުންތައް