ރާއްޖެއިން މިއަދު ކޮވިޑް-19އަށް ޕޮޒިޓިވްވި 34 މީހުންނާއެކު މިހާތަނަށް ރާއްޖެއިން މި ވައިރަހަށް ޕޮޒިޓިވްވި މީހުންގެ އަދަދު ވަނީ 1،547އަށް އަރާފަ އެވެ.

މިއަދު ޕޮޒިޓިވްވީ މީހުންގެ ތެރޭގައި ހިމެނެނީ ބަންގްލަދޭޝްގެ 21 ރައްޔިތަކާއި، 12 ދިވެހީންގެ އިތުރުން އިންޑިއާގެ ރައްޔިތެކެވެ.

މިދިޔަ މާޗް 7 ން ފެށިގެން ރާއްޖެ އިން ކޮވިޑް-19 ޖެހުނު މީހުންގެ ތެރެއިން މިހާތަނަށް ރަނގަޅުވީ 242 މީހެކެވެ. އެ ބަލީގައި ފަސް މީހަކު މަރުވެފައިވާއިރު މިހާރު ފަރުވާގައި ތިބީ 1،300 މީހެކެވެ.

ރާއްޖެ އިން ކޮވިޑް-19 ޖެހުނު މީހުންގެ ތެރެއިން އެންމެ ދުވަސްވީ މީހާގެ އުމުރަކީ 89 އަހަރެވެ. އެންމެ ތުއްތު ކުއްޖާ އަށް ވީ 11 މަހެވެ.

ކޮވިޑްގެ ބަލި މީހުން ފެނަން މިންވަރު މަދުވަމުންދާތީ ރައްކާތެރިކަމަށްޓަކައި އަޅާފައިވާ ފިޔަވަޅުތަކެއް ސަރުކާރުން މިހާރު ވަނީ ދީފައެވެ.

ގުޅުންހުރި ލިޔުންތައް

ފަހުގެ ލިޔުންތައް