މިއަދު ރާއްޖެއިން އިތުރު 32 މީހަކު ކޯވިޑް-19އަށް ޕޮޒިޓިވްވެ ޖުމްލަ އަދަދު ވަނީ 1،513އަށް އަރާފަ އެވެ.

އެޗްޕީއޭ އިން ވަނީ އިއްޔެ މެންދުރު 14:25 އިން މިއަދު 22:00 އާ ހަމައަށް 56 މީހުން ޕޮޒިޓިވް ވެފައިވާ ކަމަށް ބުނެފައެވެ. އިއްޔެ ރޭ ޕްރެސް ކޮންފަރެންސަށް ފަހު މިއަދުގެ 22:00 އާ ހަމައަށް ޕޮޒިޓިވް ވެފައިވަނީ 32 މީހުންނެވެ.

ޕޮޒިޓިވްވި 56 މީހުންގެ ތެރޭގައި ހިމެނެނީ 16 ދިވެހިންނާއި 35 ބަންގްލަދޭޝް ރައްޔިތުންގެ އިތުރުން އިންޑިޔާގެ ތިން ރައްޔިތެކެވެ. 

ކޮވިޑް ޖެހުނު މީހުންގެ ތެރެއިން މިހާތަނަށް 242 މީހަކު ވަނީ ރަނގަޅުވެފައެވެ. އަދި ބަލި ޖެހުނު މީހުންގެ ތެރެއިން ފަސް މީހަކު ވަނީ މަރުވެފައެވެ.

މި ބަލީގައި އެންމެ ފަހުން މަރުވި މީހާ ކޮވިޑަށް ޕޮޒިޓިވްކަން އެނގުނީ މަރުވި ފަހުންނެވެ. އެމީހާ ފެނިފައިވަނީ މަރުވެގެން މަގުމައްޗަށް ވެއްޓިފައި އޮއްވައެވެ. އޭނާއަކީ ހާޓް ޕޭޝަންޓެއް ކަމަށާ މަގުމައްޗަށް ވެއްޓިފައި އޮއްވާ ފެނިގެން ހޮސްޕިޓަލަށް ގެންދިޔައިރުވެސް މަރުވެފައިވާ ކަމަށް އެންއީއޯސީން ވަނީ ބުނެފައެވެ.

ގުޅުންހުރި ލިޔުންތައް

ފަހުގެ ލިޔުންތައް