ދުނިޔެއިން ނުރައްކާތެރި ކޮރޯނާވައިރަސް ނުވަތަ ކޯވިޑް-19 ޖެހިގެން މަރުވި މީހުންގެ އަދަދު 303,389އަށް އަރައިފި އެވެ.

ޗައިނާއިން އުފެދި މުޅި ދުނިޔެއަށް ފެތުރިފައިވާ ކޮރޯނާވައިރަސް މިހާތަނަށް ވަނީ 4،477،351 މީހަކަށް ޖެހިފައެވެ. އަދި އޭގެތެރެއިން ގާތްގަނޑަކަށް 1.6 މިލިޔަން މީހުން ވަނީ ބަލިން ރަނގަޅުވެފަ އެވެ.

ކޮރޯނާވައިރަސް އެންމެފަހުން ދުނިޔެއިން ފެނުނު ސަރަހައްދުތަކުގެ ތެރޭގައި ދުނިޔޭގެ އެންމެބޮޑު އެއް ރެފިއުޖީ ކޭމްޕްކަމަށްވާ ރޮހިންޔާ ރެފިއުޖީ ކޭމްޕްވެސް ހިމެނެ އެވެ. ބަންގްލަދޭޝްގެ ދެކުނުގައި އޮތް މި ރެފިއުޖީ ކޭމްޕްގައި މިޔަންމާއިން ލާއިންސާނީކޮށް ބޭރުކޮށްލި 1 މިލިޔަނަށްވުރެ މުސްލިމުން ދަނީ ދިރިއުޅެމުންނެވެ.

ކޮރޯނާވައިރަސް އެންމެ ބޮޑަށް ފެތުރެމުންދާ އެމެރިކާގައި މި ވައިރަސްގެ ސަބަބުން ގާތްގަނޑަކަށް 34.3 މިލިޔަން މީހުން ފަގީރުވެދާނެ ކަމުގެ ބިރުވަނީ ހީވެފައެވެ. މީގެތެރޭގައި ބޮޑަށް ހިމެނެނީ އެފްރިކާ ނަސްލުގެ މީހުންނެވެ.

މީގެއިތުރުން ރަޝިޔާގައި މިވައިރަހަށް ޕޮޒިޓިވްވި މީހުންގެ އަދަދު 250،000 ފަހަނައަޅާފައިވާއިރު، އެ ހަފްތާއަށްފަހު އެޤައުމުން ކޮންމެ ދުވަހަކު ޕޮޒިޓިވްވާ މީހުންގެ އަދަދު ވަނީ 10،000އަށްވުރެ ދަށަށް ގޮސްފައެވެ. އެޤައުމުން މިހާތަނަށްވަނީ 2،418 މީހުން މަރުވެފަ އެވެ.

ގުޅުންހުރި ލިޔުންތައް

ފަހުގެ ލިޔުންތައް