ކޯވިޑް-19 ޖެހިގެން ރާއްޖެއިން ހަތަރު ވަނަ މީހަކު މަރުވެފައިވާކަމަށް އެޗްޕީއޭއިން ބުނެފި އެވެ.

މިރޭ މަރުވެފައިވަނީ ދަރުމަވަންތަ ހޮސްޕިޓަލުގައި ހާލުބޮޑުވެގެން ފަރުވާދެމުން ދިޔަ އުމުރުން 88 އަހަރުގެ ފިރިހެނެކެވެ. މީގެކުރިން މަރުވެފައިވަނީ އުމުރުން ދުވަސްވީ ދެ ދިވެހިންނާއި، މެދު އުމުރުގެ ބިދޭސީ އެކެވެ.

ރާއްޖެއިން މިއަދުވެސް ވަނީ 40 މީހަކު ކޯވިޑް-19އަށް ޕޮޒިޓިވްވެފަ އެވެ. އަދި ޖުމްލަ 955 މީހަކު ވަނީ ވައިރަހަށް ޕޮޒިޓިވްވެފަ އެވެ.

ކޯވިޑް-19 ޖެހިގެން ފުރާނައަށް ނުރައްކާވުމުގެ ފުރުސަތު ބޮޑަށް އޮތީ އުމުރުން ދުވަސްވީ މީހުންނަށެވެ. މިހާތަނަށް ރާއްޖެއިން މަރުވި ހަތަރު މީހުންގެ ތެރެއިން ތިން މީހުންނަކީ އުމުރުން 80 އަހަރުން މަތީގެ މީހުންނެވެ.

މީގެ ކުރިން ޑރ. ޝީނާ މޫސާވަނީ މާދަމާއިން ފެށިގެން މިމަހުގެ 31 އާއި ހަމަޔަށް އެއީ ކޯވިޑް-19ގެ ޕީކް ދުވަސްތައް ކަމަށް ވިދާޅުވެފަ އެވެ. އަދި މި މުއްދަތުގައި ރާއްޖެއިން ގާތްގަނޑަކަށް 6000 މީހުންނަށް ވައިރަސް ޖެހޭނޭކަމަށް ޑރ.ޝީނާ ވަނީ ލަފާކުރައްވާފަ އެވެ.

ގުޅުންހުރި ލިޔުންތައް

ފަހުގެ ލިޔުންތައް