ކޯވިޑް-19އަށް މިއަދު ރާއްޖެއިން ޕޮޒިޓިވްވެފައިވަނީ ޖުމްލަ 20 މީހެކެވެ. މި އަދަދާއެކު މިހާތަނަށް ރާއްޖެއިން ޕޮޒިޓިވްވެފައި ވަނީ 642 މީހުންނެވެ.

ރާއްޖެއިން މިހާތަނަށް ކޯވިޑް ޖެހިފައިވަނީ 214 ދިވެހިންނާއި 428 ބިދޭސީންނެވެ. އޭގެތެރެއިން 20 މީހަކު ވަނީ ބަލިން ރަނގަޅުވެފައެވެ. އަދި މިހާތަނަށް ކޯވިޑް-19 ޖެހުނު ދެ މީހަކު ވަނީ މަރުވެފަ އެވެ.

މިރޭ ދަރުބާރު ގޭގައި ބޭއްވި ނޫސްވެރިންގެ ބައްދަލުވުމުގައި ޑރ. އިބްރާހިމް އަފްޒަލް ވިދާޅުވީ މިއަދު ރާއްޖެއިން ފެނުނު 20 ކޭސް ފެނުނު ނަމަވެސް ސިމްޓަމެޓިކް މީހުންނާއި އަދި ކޮންޓެކްޓްސް ވެސް ފަހަކަށް އައިސް ފެންނަލެއް މަދުކަން ފާހަގަކުރެވޭކަމަށެވެ.

މިއަދު ފެނުނު 20 ކޭސް އާއި ގުޅިގެން އައު ކޮންޓެކްސްގެ ގޮތުގައި މިއަދު ފާހަގަކުރެވިފައިވަނީ 241 މީހުންނެވެ.

މީގެއިތުރުން މިރޭގެ ނޫސްވެރިންގެ ބައްދަލުވުމުގައި ޑރ. ޝީނާ މޫސާ ވަނީ ރާއްޖެއިން 77،000 މީހުންނަށް ކޯވިޑް-19 ޖެހޭނެކަމަށް ލަފާކޮށްފަ އެވެ. އެގޮތުން ޕީކްގެ 14 ދުވަސް ކަމަށްވާ މެއި 15 އިން 30 މެއިގެ ނިޔަލަށް 6804 މީހުންނަށް ބަލި ޖެހޭނެ ކަމަށާއި، މީގެ އިތުރުން ޕީކްގެ ތެރޭގައި 281 މީހުން ހޮސްޕިޓަލުގައި އެޑްމިޓް ކުރާނެ ކަމަށް ޑރ. ޝީނާ ވަނީ ލަފާކުރައްވާފަ އެވެ.

ގުޅުންހުރި ލިޔުންތައް

ފަހުގެ ލިޔުންތައް