ރާއްޖެއިން މިހާތަނަށް 15 ކުއްޖަކު ކޯވިޑް-19 އަށް ޕޮޒިޓިވްވެފައިވާ ކަމަށާއި އަދި އެ ހުރިހާ ކުދިންގެ ހާލުވެސް ރަނގަޅުކަމަށް އައިޖީއެމްއެޗުގެ ކުޑަކުދިންގެ ޚާއްސަ ޑރ. އަޙްމަދު ފައިސަލް ވިދާޅުވެއްޖެއެވެ.

ޑރ. ފައިސަލް ކުރެއްވި ޓްވީޓެއްގައި ވިދާޅުވީ ބަލިޖެހުނު 15 ކުދިންގެ ތެރެއިން 40 އިންސައްތަ ކުދިންގެ ކިބައިން ބަލީގެ އެއްވެސް ޢަލާމާތެއް ނުފެންނަކަމަށެވެ. އަދި މި ކުދިންގެތެރެއިން ހުމުގެ އަސަރު ހުރީ 40 އިންސައްތަ ކުދިންގެ ގައިގަ އެވެ.

މީގެއިތުރުން 20 އިންސައްތަ ކުދިންނަށް ކެއްސުމުގެ ޢަލާމާތް ހުރިކަމަށާއި އަދި 13 އިންސައްތަ ކުދިންގެ ކަރުގައި ރިއްސިއިރު، އެއް އިންސައްތަ ކުދިންނަށް ރަހަނުލުމާއި ވަސް ނުދުވުމުގެ މައްސަލަ ކުރިމަތިވެފައިވާކަމަށްވެސް ޑރ. ފައިސަލް ވިދާޅުވިއެވެ.

ކޯވިޑް-19ގެ ނުރައްކާ އެންމެބޮޑީ އުމުރުން ދުވަސްވީ މީހުންނާއި، ބޮޑެތި ބަލިތައް ތަހައްމަލްކުރާ މީހުންގެ އިތުރުން ކުޑަކުދިންނާއި މާބަނޑު މީހުންގެ އެވެ. އެހެންކަމުން ކުޑަކުދިން ވީހާވެސް ބޮޑަށް ވައިރަހުން ރައްކާތެރިވެވޭނެ ފަދަ ދިރިއުޅުމުގެ އާދަކާދައަށް ހޭނުމަށް ސިއްޙީ މާހިރުން ގެންދަނީ އިރުޝާދުދެއްވަމުންނެވެ.

ގުޅުންހުރި ލިޔުންތައް

ފަހުގެ ލިޔުންތައް