ކޮވިޑް-19 ޖެހުމުން ތަޖުރިބާކޮށްފާނެ އަލާމާތްތަކުގެ ލިސްޓަށް 6 އަލާމާތެއް އެމެރިކާގެ ސެންޓަރސް ފޯ ޑިޒީޒް ކޮންޓްރޯލް އެންޑް ޕްރިވެންޝަން (ސީޑީސީ) އިން އިތުރުކޮށްފިއެވެ.

މީގެ ކުރިން މިލިސްޓުގައި ހިމެނެނީ ދުނިޔޭގެ ސިއްހަތު ޖަމިއްޔާ (ޑަބްލިއުއެޗްއޯ) އިން ފުރަތަމަ އަލާމާތްތަކުގެ ގޮތުގައި އިއުލާނު ކުރި 3 އަލާމާތެވެ. އެއީ ހުން އައުން، ކެއްސުން އަދި ނޭވާ ކުރުވުމެވެ. ޑަބްލިއުއެޗްއޯ އިން ވަނީ މިދިޔަ ހަފްތާ ތެރޭގައި ބަލީގެ އެންމެ އާންމު އަލާމާތްތަށް ހާމަކޮށްފައެވެ.

ސީޑީސީ އިން އަލަށް އިތުރުކުރި 6 އަލާމާތަކީ:

• ސަބަބަކާއި ނުލާ ހަށިގަނޑު ފިނިވުން
• ހަށިގަނޑު ފިނިވުމާއެކު ތުރުތުރު އެޅުން
• މަސްތަކުގައި ރިއްސުން
• ބޮލުގައި ރިއްސުން
• ކަރުގައި ރިއްސުން
• ވަސް ނުދުވުން އަދި ރަހަ ނުލުން

އެހެންކަމުން މީގެން އަލާމާތެއް ފެނިއްޖެނަމަ ކޮވިޑް-19 އަށް ޕޮޒިޓިވް ވުމުގެ ފުރުސަތު ވާކަމަށް ސީޑީސީއިން ބުނެފައިވެއެވެ.

ދިވެހިރާއްޖޭގެ ކަމާބެހޭ ފަރާތްތަކުން ވިދާޅުވެފައިވަނީ ކޮވިޑް-19 ގެ އާންމު އަލާމާތެއް ފެނިއްޖެ ނަމަ ލަސްނުކޮށް ހެލްތު ޕްރޮޓެކްޝަން އޭޖެންސީ (އެޗްޕީއޭ) ގެ ހޮޓްލައިން ނަންބަރު 1676 އަށް ގުޅުމަށެވެ.

ގުޅުންހުރި ލިޔުންތައް

ފަހުގެ ލިޔުންތައް