މިވަގުތު މާލޭގައި ތބި އެންމެންނަކީވެސް ރިސްކް ބޮޑުބައެއް ކަމަށް ހެލްތް މިނިސްޓަރ އަބްދުﷲ އަމީން ވިދާޅުވެއްޖެ އެވެ.
މިއަދު ނެޝަނަލް އެމަރޖެންސީ އޮޕަރޭޝަން ސެންޓަރުގައި ކުރިއަށް ގެންދިޔަ ނޫސްވެރިންގެ ބައްދަލުވުމުގައި މިނިސްޓަރ އަމީން ވިދާޅުވީ މިވަގުތު މާލެއިން ފުރައިގެން ރަށަށް ދިއުމަކީ އެންމެ ރަނގަޅު ގޮތް ނޫން ކަމަށެވެ. އަދި މާލެއިން ފުރައިގެން ރަށަށް ދާންޖެހޭނީ އެނޫންގޮތެއް ނެތިގެން ކަމަށްވެސް ވަނީ ވިދާޅުވެފަ އެވެ.
މިއަދު ރާއްޖެއިން ވަނީ ޖުމްލަ ނުވަ މީހަކު ވައިރަހަށް ޕޮޒިޓިވްވެފަ އެވެ. މި ނުވަ މީހުންނާއެކު ރާއްޖެއިން ޕޮޒިޓިވްވި މީހުންގެ އަދަދު ވަނީ 137ކަށް އަރާފަ އެވެ.
މިއަދު ނޫސްވެރިންގެ ބައްދަލުވުމުގެ މިނިސްޓަރ އަމީންވަނީ މާލޭގައި ތިބި އެންމެންނަކީވެސް ރިސްކް ބޮޑު ބައެއްގެ ގޮތުގައި ފާހަގަކުރައްވާފަ އެވެ. ސަރުކާރުގެ އަމާޒަކީ މާލޭގައި ތިބި މީހުން ރަށްރަށަށް ނުގޮސް މާލެއިން ބަލި ކޮންޓްރޯލް ކުރުންކަމަށް މިނިސްޓަރ ވަނީ ވިދާޅުވެފަ އެވެ.
މިއަދު ރާއްޖެއިން ޕޮޒިޓިވްވި މީހުންގެ ތެރޭގައި ނަރުދޫ ބޯޓެއްގެ ކައްޕިވެސް ހިމެނެއެވެ.
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (0)