ކޯވިޑް-19އަށް ޕޮޒިޓިވް ވެފައިވާ އިތުރު ދެ ދިވެއްސަކު ބަލިން ރަނގަޅަވެފައިވާކަމަށް ހެލްތް ޕްރޮޓެކްޝަން އެޖެންސީ އިން ބުނެފި އެވެ.
Two Maldivian nationals who previously tested positive for #COVID19 and were isolated at Velidhoo Isolation facility, have now recovered after testing twice with NEGATIVE results.
— Health Protection Agency (@HPA_MV) April 14, 2020
މިއަދު ރަނގަޅުވެފައިވާ ދެ މީހުންނަކީ ވެލިދޫ އައިސޮލޭޝަން ފެސިލިޓީގައި ފަރުވާދެމުން ގެންދާ ދެމީހުންކަމަށް އެޗްޕީއޭއިން ވަނީ ބުނެފަ އެވެ. އަދި އެ ދެމީހުންވެސް ކޯވިޑް-19އަށް ތަކުރާރުކޮށް ޓެސްޓްކުރުމުން ނަތީޖާ ނެގެޓިވްވެފައި ވާކަމަށް އެޗްޕީއޭއިން ބުނެއެވެ.
މިއަދު ބަލިން ރަނގަޅުވި ދެމީހުންނާއެކު މިހާތަނަށް ވަނީ ރާއްޖެއިން ވައިރަސްއަށް ޕޮޒިޓިވްވި މީހުންގެ ތެރެއިން ޖުމްލަ 16 މީހެއް ބަލިން ރަނގަޅުވެފައެވެ. އޭގެތެރޭގައި 3 ދިވެހިން ވެސް ހިމެނެއެވެ.
މިހާތަނަށް ރާއްޖެއިން ވަނީ ޖުމްލަ 20 މީހަކު ކޯވިޑް-19އަށް ޕޮޒިޓިވްވެފަ އެވެ. އޭގެތެރޭގައި 5 ދިވެހިންވެސް ހިމެނެއެވެ.
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (0)