ކޯވިޑް-19 ޖެހިގެން ހާލު ސީރިޔަސް ވާ މީހުން ބަލިން ރަނގަޅުވި ނަމަވެސް، އާންމު މުޖުތަމައުއަށް ދޫކުރާނީ ފުރަތަމަ ނެގެޓިވް ނަތީޖާ ލިބޭތާ 14 ދުވަސްފަހުން ކަމަށް އައިޖީއެމްއެޗްގެ ފިޒިޝަން ޑރ. މުހައްމަދު އަލީ ވިދާޅުވެއްޖެ އެވެ.

ރާއްޖެއިން މިހާތަނަށް 20 މީހުންނަށް ކޯވިޑް-19 ޖެހުނުއިރު، އޭގެތެރެއިން 14 މީހުންވަނީ ބަލިން ރަނގަޅުވެފަ އެވެ. އަދި ބަލިން އެންމެ ފުރަތަމަ ރަނގަޅުވި އިޓަލީގެ ދެ ފަތުރުވެރިން ދޫކޮށްލުމުން އެމީހުން މިހާރުވަނީ އެނބުރި ޤައުމަށް ގޮސްފަ އެވެ.

ޑޮކްޓަރ މުހައްމަދު އަލީ ވިދާޅުވީ ބައްޔަށް ޕޮޒިޓިވްވުމަށް ހަދާ ޓެސްޓަށްފަހު 14 ދުވަސްފަހުން އަނެއްކާވެސް ކޯވިޑް-19ގެ ޓެސްޓެއް ހަދާނޭ ކަމަށެވެ. އަދި އެ ޓެސްޓުން ބަލި މީހާ ކޯވިޑް-19އަށް ނެގެޓިވްވެއްޖެ ނަމަ އިތުރު 14 ދުވަސް ވަންދެން ބެލުމަށްފަހު ގެއަށް ދޫކޮށްލާނީ ދެވަނަ ފަހަރަށްވެސް ޓެސްޓުގެ ނަތީޖާ ނެގެޓިވް ވުމުން ކަމަށެވެ.

 އެހެންކަމުން ޕޮޒިޓިވްވާ ދުވަހުން ފެށިގެން ގެއަށް ދޫކުރުމާއި ދޭތެރޭ ގާތްގަނޑަކަށް 28 ދުވަސް ނަގާނޭކަމަށް ޑޮކްޓަރ ވަނީ ލަފާކުރައްވާފަ އެވެ.

ގުޅުންހުރި ލިޔުންތައް

ފަހުގެ ލިޔުންތައް