ކޮރޯނާވައިރަސް ނުވަތަ ކޯވިޑް-19 ޖެހިގެން އެމެރިކާއިން މަރުވި މީހުންގެ އަދަދު 20،000އަށް އަރައި، އިޓަލީއިން މަރުވި މީހުންނަށް ވުރެ އަދަދު އިތުރު ވެއްޖެއެވެ.

ރިޕޯޓުތައް ބުނާގޮތުން އެމެރިކާއިން އިއްޔެ އާއި ހަމަޔަށްވަނީ 20،506 މީހުން މަރުވެފައެވެ. އަދި ވައިރަހަށް ޕޮޒިޓިވް ވި މީހުންގެ އަދަދު ވަނީ 527،111އަށް އަރާފަ އެވެ. އިޓަލީއިން ވައިރަސް ޖެހިގެން މިހާތަނަށް މަރުވެފައިވަނީ 19،468 މީހުންނެވެ.

ދުނިޔެއިން މިހާތަނަށްވަނީ މި ވައިރަހަށް ޕޮޒިޓިވްވެގެން 107،000 މީހުން މަރުވެފަ އެވެ. އަދި 1.7 މިލިޔަން މީހުންވަނީ މިވައިރަހަށް ޕޮޒިޓިވްވެފައިވަކަމަށް އެމެރިކާގެ ޖޯންސް ހޮޕްކިން ޔުނިވަރސިޓީއިން ވަނީ ބުނެފަ އެވެ.

މީގެއިތުރުން ދާދިފަހުން ވައިރަސް ކޮންޓްރޯލް ކުރެވިފައިވާ ޗައިނާއިންވެސް އިއްޔެ ވަނީ 99 މީހުން މި ވައިރަހަށް ޕޮޒިޓިވްވެފަ އެވެ. އަދި އޭގެތެރެއިން ގިނައީ އެ ޤައުމުގެ ރައްޔިތުންކަމަށް ރިޕޯޓުތަކުން ބުނެއެވެ.

ގުޅުންހުރި ލިޔުންތައް

ފަހުގެ ލިޔުންތައް