ކޯވިޑް-19 އާއި ގުޅިގެން އައިޖީއެމްއެޗްގައި ހިދުމަތްދެމުން ގެންދިޔަ ޓްރެވެލާސް ކްލިނިކް، ފްލޫ ކްލިނިކަކަށް ބަދަލުކޮށް ހިދުމަތްދޭން ފަށައިފި އެވެ.

އައިޖީއެމްއެޗުން ބުނިގޮތުގައި މި ކްލިނިކުން ހިދުމަތްދެމުން ގެންދާނީ ކޮންމެ ދުވަހެއްގެވެސް ހެނދުނު 10:00 އިން ރޭގަނޑު 22:00 އަށެވެ. އަދި ދިވެހިންގެ އިތުރުން ބިދޭސީންނަށްވެސް މި ކްލިނިކުން ހިދުމަތް ފޯރުކޮށްދޭނެކަމަށް އައިޖީއެމްއެޗުން ވަނީ ބުނެފަ އެވެ.

ކޯވިޑް-19 އާއި ގުޅިގެން ރާއްޖޭގެ ގިނަ ރަށްތަކެއްގައި ވަނީ ފްލޫ ކްލިނިކްތައް ހުޅުވާފައެވެ. އެގޮތުން ދަރުމަވަންތަ  ހޮސްޕިޓަލްގައި މިއަދުވަނީ ޖެނެރަލް މެޑިކަލް ކްލިނިކެއްވެސް ހުޅުވާފައެވެ.

މާލޭ ސަރަހައްދުގައި މިޙާރު ޖުމްލަ 5 ފްލޫ ކްލިނިކް ވަނީ ޤާއިމްކޮށްފަ އެވެ. އެއީ އައިޖީއެމްއެޗްގައި ޤާއިމްކުރި ފްލޫ ކްލިނިކް އާއި، ސެނަހިޔާ ފްލޫ ކްލިނިކް، އެކްސްޕެޓް ފްލޫ ކްލިނިކް، އޭޑީކޭ އޮންލައިން ފްލޫ ކްލިނިކްގެ އިތުރުން ވިލިގިލީގައިވެސް ވަނީ ފްލޫ ކްލިނިކެއް ޤާއިމްކޮށްފަ އެވެ.

ގުޅުންހުރި ލިޔުންތައް

ފަހުގެ ލިޔުންތައް