ރާއްޖެއިން ކޯވިޑް-19 އާއި ގުޅިގެން ކަރަންޓީނުކުރާ އެންމެންވެސް ވައިރަހަށް ޓެސްޓްކުރުމަށް ނިންމައިފި އެވެ.

މިއަދު ކުރިއަށް ދިޔަ ނޫސްވެރިންގެ ބައްދަލުވުމުގައި ޑރ. އަލީ ލަތީފު ވިދާޅުވީ ކަރަންޓީނުވާ އެންމެންވެސް ޓެސްޓްކުރަން ނިންމީ މިހާރު ބޭނުންވާ ވަރަށް ޓެސްޓް ކިޓް ހުރުމުން ކަމަށެވެ.

ޑރ. ލަތީފް ވިދާޅުވީ ނެޝަނަލް އެމަރޖެންސީ އޮޕަރޭޝަނުން އަމަލުކުރަމުންދާ "ކުއިކް ރެފަރެންސް ގައިޑްލައިން" ތަކަކީ އަބަދުވެސް ބަދަލުވާނޭ ގައިޑްލައިންތަކެއް ކަމަށެވެ. ނަމަވެސް މި ގައިޑް ލައިނަށް ބަދަލެއް އަންނަނަމަ ރައްޔިތުންނާއި އެ މައުލޫމާތު ހިއްސާ ކުރައްވާނޭކަމަށް ވެސް ޑރ. ލަތީފް ވަނީ ވިދާޅުވެފައެވެ.

ހަމައެހެންމެ ކޯވިޑް-19 އާއި ގުޅިގެން ރާއްޖޭގައި މިހާރު އަމަލުކުރަމުންދަނީ "ކުއިކް ރެފަރެންސް ގައިޑްލައިން" 8 ވަނަ ވާޝަން އަށެވެ. އަދި މާދަމާ މި ގައިޑްލައިގް 9 ވަނަ ވާޝަންއަށް އަމަލުކުރަން ފަށާނޭކަމަށް ޑރ. ލަތީފް ވިދާޅުވި އެވެ.

"ކުއިކް ރިފަރެންސް ގައިޑް ލައިން" އުފެއްދުމުގެ މައިގަނޑު ބޭނުމަކީ ފާއިތުވިތަނުގައި ލިބުނު ކޭސްތަކަށް ބަލާފައި ލިޔެފައިވާ ގައިޑް ލައިނެކެވެ.

ކޯވިޑް-19އަށް ރާއްޖެއިން މިހާތަނަށް ޕޮޒިޓިވްވި މީހުންގެ އަދަދުވަނީ 17އަށް އަރާފަ އެވެ. އަދި އޭގެތެރެއިން 11 މީހެއްވަނީ ބަލިން ރަނގަޅުވެފައެވެ. އަދި 2 މީހަކުވަނީ އެމީހުންގެ އަމިއްލަ ޤައުމުކަމަށްވާ އިޓަލީއަށް ގޮސްފައެވެ.

ގުޅުންހުރި ލިޔުންތައް

ފަހުގެ ލިޔުންތައް