އަވައްޓެރި ތައލެންޑްގައިވެސް ކޮރޯނާވައިރަހުގެ ކޭސްތައް އިތުރުވާން ފެށުމާއެކު، އެޤައުމުގެ ޕްރައިމް މިނިސްޓަރ ޕްރަޔުތް ޗެން އޯކާއަށް ލިބިފައިވާ ބާރުތަކުގެ ތެރެއިން ކުއްލި ހާލަތުގެ ބާރުތައް ބޭނުން ކުރައްވަން ފައްޓަވައިފި އެވެ.
އެގޮތުން ތައިލެންޑްގެ ލީޑަރަށް ލިބިފައިވާ މި ބާރުގެ އެހީގައި ދާދިފަހުންވަނީ ކޯވިޑް-19 އާއި ގުޅިގެން ސޯޝަލް މީޑިޔާގައި މީހުންގެ މެދުގައި ބިރާސް އުފެއްދުމަށް މަސައްކަތްކުރި މީހަކު ހައްޔަރުކޮށްފަ އެވެ.
ތައިލެންޑް ވެފައިވަނީ މެލޭޝިޔާއަށް ފަހު ދެވަނައަށް އޭޝިޔާގައި ކޯވިޑް-19 އެންމެ ބޮޑަށް ފެތުރިފައިވާ އެއް ޤައުމަށެވެ. އެގޮތުން އެޤައުމުން މިހާތަނަށް ވަނީ ޖުމަލް 934 މީހުން ވައިރަހަށް ޕޮޒިޓިވްވެފައެވެ. އިއްޔެ އެކަނިވެސް އެޤައުމުން 106 މީހުންވަނީ ވައިރަހަށް ޕޮޒިޓިވްވެފަ އެވެ.
ތައިލެންޑްގެ ލީޑަރު ކުއްލި ހާލަތުގެ މި ބާރުތައް އެންމެ ފުރަތަމަ ބޭނުންކޮށްފައިވަނީ 2014 ވަނަ އަހަރުގައެވެ. އަދި މިއަހަރުގެ ޖެނުއަރީން ފެށިގެން ފެތުރެމުންދާ މިވައިރަހާއި ދެކޮޅަށް މަސައްކަތް ކުރެއްވުމަށް ބާރުތަކުގެ ބޭނުން ހިފާނޭކަމަށް ލީޑަރުވަނީ ވިދާޅުވެފައެވެ.
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (0)