އިތުރު އެއް ހަފްތާއަށް ސަރުކާރުގެ އޮފީސްތައް ބަންދުކުރިކަން ރައީސް އިބްރާހިމް މުހައްމަދު ސާލިހް އިއުލާން ކުރައްވައިފި އެވެ.
މިހާރު ކުރިއަށްދާ ހާއްސަ ނޫސްވެރިންގެ ބައްދަލުވުމުގައިމުގައި ރައީސް ސޯލިހްވަނީ އާދީއްތަ ދުވަހުން ފެށިގެން އިތުރު އެއް ހަފުތާ އަށް އޮފީސްތަކާއި ކިޔަވައިދޭ ހުރިހާ ތަނެއް ބަންދުވާނެކަމަށް ވިދާޅުވެފައެވެ. އަދި މި މަހު 27 އިން ފެށިގެން އޮން އެރައިވަލް ވިސާ ވެސް ރާއްޖެ އަށް ނުދޭނެކަން ވަނީ އިއުލާންކުރައްވާފަ އެވެ.
ރާއްޖެއިން ކޯވިޑް-19އަށް 13 މީހުން ޕޮޒިޓިވްވުމާއި ގުޅިގެން ރައީސް އޮފީހުންވަނީ މި ހަފްތާވެސް ރަސްމީ ބަންދު ހަފްތާއެއްގެ ގޮތުގައި ކަނޑައަޅާފައެވެ.
ސަރުކާރުގެ އޮފީސްތައް ބަންދުކުރުމުގެ އިތުރުން، ރާއްޖެއިން ކޯވިޑް-19އަށް ޕޮޒިޓިވްވި އިތުރު ތިން މީހަކު ރަނގަޅުވިކަން ރައީސްވަނީ އިއުލާން ކުރައްވާފައެވެ. އިތުރު ތިން މީހުން ރަނގަޅުވުމާއެކު، ރާއްޖެއިން ރަނގަޅުވި މީހުންގެ އަދަދުވަނީ އަށަކަށް އަރާފައެވެ.
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (0)