ހދ. ކުޅުދުއްފުށީގައިވެސް ސަރުކާރުން ފްލޫ ކްލިނިކެއް ޤާއިމްކޮށްފި އެވެ.

މިއަދު ބޭއްވި ނޫސްވެރިންގެ ބައްދަލުވުމުގެ ރައީސް އޮފީހުގެ އަންޑަރ ސެކްރަޓަރީ މަބްރޫކް އަޒީޒް ވިދާޅުވީ ކުޅުދުއްފުށީގައި ހުޅުވި ފްލޫ ކްލިނިކް ހުންނާނީ އެރަށުގެ ރީޖަނަލް ހޮސްޕިޓަލްގެ ކައިރީގައި އަލަށް ހެދި އާ އިމާރާތުގައި ކަމަށެވެ.

އަދި މިކްލިނިކް ކޮންމެ ދުވަހެއްގެވެސް ހެނދުނު 09:00 އިން ހަވީރު 4:00 އަށް ކަމަށް މަބްރޫކްވަނީ ވިދާޅުވެފައެވެ. ކުޅުދުއްފުށީ ފްލޫ ކްލިނިކްގެ ބްރޭކްގަޑިއަކީ މެންދުރު 12:00އިން 13:00 އަށް ކަމަށްވެސް ވަނީ ވިދާޅުވެފައެވެ.

ފްލޫ ކްލިނިކަނީ ރޯގާގެ ނުވަތަ ހުމުގެ އަލާމާތެއް ހުރިނަމަ ހޮސްޕިޓަލަކަށް ނުގޮސް ހިދުމަތް ލިބޭނެގޮތަށް ތައްޔާރުކޮށްފައިވާ ވަގުތީ ކްލިނިކެވެ.

ރާއްޖެއިން ކޯވިޑް-19 13 މީހެއް ޕޮޒިޓިވްވުމާއި ގުޅިގެން ސަރުކާރުންވަނީ މާލޭ 4 ސަރަހައްދުގައި 4 ފްލޫ ކްލިނިކް ހުޅުވާފައެވެ. އެއީ ޓްރެވަލް ކްލިނިކް އަކާއި، ސެނަހިޔާ ފްލޫ ކްލިނިކާއި ހުޅުމާލޭގަ ހުންނަ ބިދޭސީންނަށް ހާއްސަ ފްލޫ ކްލިނިކްގެ އިތުރުން އިއްޔެ ވިލިމާލޭގައި ހުޅުވި ފްލޫ ކްލިނިކެވެ.

ގުޅުންހުރި ލިޔުންތައް

ފަހުގެ ލިޔުންތައް