ކޯވިޑް-19 އާއި ގުޅިގެން ވިލިމާލޭގައި ފްލޫކްލިނިކެއް ހުޅުވައިފި އެވެ.

މިއަދު މެންދުރު ދަރުބާރުގޭގައި ބޭއްވުނު ނޫސްވެރިންގެ ބައްދަލުވުމުގައި ރައީސް އޮފީހުގެ ކޮމިއުނިކޭޝަންސް އަންޑާސެކެޓްރީ އަދި ކޮރޯނާވައިރަހާ ގުޅިގެން ސަރުކާރުން ކަނޑައަޅާފައިވާ ތަރުޖަމާނު މުހައްމަދު މަބްރޫކު އަޒީޒް ވިދާޅުވީ ވިލިގިލީގައ ފްލޫ ކްލިނިކް ހިންގަނީ އައިޖީއެމްއެޗްގެ ފަރާތުން ކަމަށެވެ.

އަދި މި ފްލޫ ކްލިނިކް ހެނދުނު 10:00 އިން ރޭގަނޑު 06:00އަށް ހުޅުވިފައި ހުންނާނޭކަމަށް މަބްރޫކްވަނީ ވިދާޅުވެފައެވެ.

އެހެންކަމުން ރޯގާގޭ އަލާމާތެއް ނުވަތަ ކޯބައްޔަށް ޓެސްޓްކުރަން ބޭނުންވާ ފަރާތްތަކަށް މި ކްލިނިކުން ހިދުމަތް ލިބޭނޭކަމަށް މަބްރޫކްވަނީ ވިދާޅުވެފައެވެ.

ވިލިމާލޭގައި ހުޅުވި ފްލޫކްލިނިކާއެކު މިހާރު މާލޭ ސަރަހައްދުގައި ޖުމްލަ 4 ކްލިނިކެއް ވަނީ ޤާއިމްކުރެވިފައެވެ.

އޭގެތެރޭގައި ޓްރެވަލް ކްލިނިކާއި، ސެނަހިޔާގައި ހުންނަ ފްލޫ ކްލިނިކްގެ އިތުރުން ބިދޭސީންނަށް ހާއްސަ ފްލޫ ކްލިނެއްވެސް ވަީ ހުޅުމާލޭގައި ޤާއިމްކޮށްފައެވެ. އަދި އޭޑީކޭގައި އޮންލައިން ފްލޫ ކްލިންކްގެ ހިދުމަތްވެސް ދަނީ ފޯރުކޮށްދެމުންނެވެ.

ގުޅުންހުރި ލިޔުންތައް

ފަހުގެ ލިޔުންތައް