ޕެރަޑައިސް އައިލެންޑް ރިސޯޓުގައި ތިބި 10 މީހެއްގެ ގައިން ކޯވިޑް-19ގެ އަލާމާތްތައް ފެނުމާއި ގުޅިގެން އެ ރިސޯޓު ވަގުތީގޮތުން ބަންދުކޮށްފި އެވެ.

ޕެރަޑައިސްއިން އަލާމާތްތައް ފެނުނު 10 މީހުން އެކަހެރިކޮށް ރަށް މޮނީޓަރކުރަމުން ގެންދާކަމަށް ސްޕޯކްސްޕާސަން މަބްރޫކް އަޒީޒްވަނީ ވިދާޅުވެފައެވެ.

މަބްރޫކް ވިދާޅުވިގޮތުގައި މިހާތަނަށް ޓެސްޓްހެދުމަށް ޖުމްލަ 517 މީހުންގެ ސާމްޕަލް ނަގާފައިވާ ކަމަށެވެ. އަދި އޭގެތެރެއިން މިހާތަނަށް ޕޮޒިޓިވްވެފައިވަނީ 13 މީހުންނެވެ.

މީގެއިތުރުން 502 މީހުން ނެގެޓިވްވެފައިވާއިރު 15 މީހުންގެ ޓެސްޓްގެ ނަތީޖާ އަދި ނުލިބޭކަމަށް ވަނީ ވިދާޅުވެފަ އެވެ.

މަބްރޫކް ވިދާޅުވިގޮތުގައި ޕެރަޑައިސްއިން އަލާމާތްތައް ފެނިފައިވަނީ އަށް ދިވެހިންނާއި ދެ ބިދޭސީއެއްގެ ފަރާތުންނެވެ. އަދި ޕެރެޑައިސް ރިސޯޓުގެ އިތުރުން ޝެލްވަކް ބްލޮންކްގައި ހުރި ބިދޭސީއެއްގެ ގައިންވެސް ބަލީގެ އަލާމާތްތައް ފެނިފައިވާކަމަށް މީގެކުރިން މަބްރޫކްވަނީ ވިދާޅުވެފައެވެ.

ގުޅުންހުރި ލިޔުންތައް

ފަހުގެ ލިޔުންތައް