ރާއްޖެއިން ކޯވިޑް-19އަށް ޕޮޒޓިވްވި 13 މީހުންގެ ހާލުވެސް ރަނގަޅުކަމަށް ޑރ. ނަޒްލާ ވިދާޅުވެއްޖެއެވެ.

ރާއްޖެއިން މިހާތަނަށް ކޯވިޑް-19އަށް ޓެސްޓްކުރުމަށް ޖުމްލަ 517 މީހުންގެ ސާމްޕަލް ނަގާފައިވާއިރު، އޭގެތެރެއިން މިހާތަނަށް ޕޮޒިޓިވްވެފައިވަނީ 13 މީހުންނެވެ. 

ޕޮޒިޓިވްވި 13 މީހުންގެ ތެރެއިންވެސް ހާލުއިތުރަށް ގޯސްވެފައވަނީ އެންމެ މީހެއްގެ އެވެ. އަދި ހާލުގޯސްވި މީހާ ދަރުމަވަންތަ ހޮސްޕިޓަލަށް ބަދަލުކޮށް ފަރުވާދިނުމަށްފަހު އޭނާގެ ހާލު މިހާރު ރަނގަޅުވަމުން އަންނަކަމަށް މީގެކުރިން ސަރުކާރުން ވަނީ ބުނެފަ އެވެ.

މިއަދު ބޭއްވި ނޫސްވެރިންގެ ބައްދަލުވުމުގައި ނަޒްލާ ވިދާޅުވީ ޕޮޒިޓިވްވި މީހުންގެ ހާލު ރަނގަޅު ނަމަވެސް އާންމު އުސޫލެއްގެ ދަށުން ރަނގަޅުވާ މީހުން ދޫކޮށްލެވޭނީ ހުރިހާ އަލާމާތްތަކެއް އެއްކޮށް ރަނގަޅުވެ، އަދި އިތުރަށް ދެ ޓެސްޓު ކުރުމަށްފަހުގައި ކަމަށެވެ.

އެހެންކަމުން މިހާރު ކުރިއަށްދަނީ އެ މަސައްކަތްކުރުމުގެ މަރުހަލާކަމަށް ޑރ. ނަޒްލާ ވަނީ ވިދަޅުވެފައެވެ.

ރާއްޖެއިން މިހާތަނަށް އެއްވެސް ދިވެއްސެއް ކޯވިޑް-19އަށް ޕޮޒިޓިވްވެފައެއް ނުވެއެވެ. އަދި ރާއްޖެއިން މިހާތަނަށް މިވައިރަހަށް ޕޮޒިޓިވްވި އެންމެންވެސް ޕޮޒިޓިވްވެފައިވަނީ ޓްރެވަލްކުރުމާއި ގުޅިގެންކަމަށް ނަޒްލާވަނީ ވިދާޅުވެފަ އެވެ.

ގުޅުންހުރި ލިޔުންތައް

ފަހުގެ ލިޔުންތައް