މި ދުވަސްވަރު ގޭގައި ކަރަންޓީނުވުމަށް އަންގާފައިވާ ފަރާތްތަކުން އެންގުމާއި ހިލާފުވާނަމަ 1676އަށް ރިޕޯޓުކުރުމަށް ސްޕޯކްސްޕާރސަން މަބްރޫކް އަޒީޒް ވިދާޅުވެއްޖެ އެދިލައްވައިފިއެވެ.
މަބްރޫކް މިހެން ވިދާޅުވެފައިވަނީ ސަރުކާރުން ރައްޔިތުން ޒަރޫރީ ބޭނުންތަކަށްނޫނީ ގެއިން ބޭރަށް ނުނިކުތުމަށް އަންގާފައިވަނިކޮށެވެ.
މަބްރޫކްގެ ވާހަކައާއި ގުޅުވައިގެން ޑރ. މުރާދު އިތުރަށް ވިދާޅުވީ މިދުވަސްވަރު ބޭރަށް ނުނިކުމެ ގޭގައި މަޑުކުރަން އެންގިނަމަވެސް، އަދިވެސް މާލޭގެ މަގުތައް ފެންނަނީ ބާރުބޮޑުކޮށްކަން ފާހަގަކުރައްވާފަ އެވެ. އަދި ސަރުކާރުން ކުރަމުންދާ މަސައްކަތުގެ ފައިދާ ފެންނާނީ ރައްޔިތުންވެސް ފަރުދީ ޒިންމާ އަދާކުރައްވައިގެން ކަމަށެވެ.
އަދި މިދުވަސްވަރު ހޮސްޕިޓަލަށް ބަލިމީހުން ގާތަށް ޒިޔާރަތް ނުކުރަން އެންގިނަމަވެސް ބައެއް މީހުން އަދިވެސް ހޮސްޕިޓަލަށް ދާކަން މުރާދުވަނީ ފާހަގަކުރައްވާފައެވެ. އެގޮތުން ހޮސްޕިޓަލްތަކުގައި ވިހައިގެން ތިބޭމީހުން ގާތަށް އަދިވެސް މީހުންދާކަމަށާއި އެގޮތަށް އެކަން ނުކުރުމަށް ޑރ. މުރާދުވަނީ އެދިލައްވާފައެވެ.
މީގެއިތުރުން ސިއްހީއެހީތެރިން ކުރީސަފަށް ނުކުންނައިރު ރައްޔިތުން ގޭގައި ތިބުމަށް ޑރ. މުރާދުވަނީ އިލްތިމާސްކުރައްވާފަ އެވެ.
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (0)