އާދައިގެ ފޮތި މާސްކް ބޭނުން ކުރާކަށް ޑރ. ފާތިމަތު ނަޒްލާ ރަފީގް ލަފައެއް ނުދެއްވައެވެ.
މިއަދު ދަރުބާރުގޭގައި ކުރިއަށް ދިޔަ ޕްރެސް ކޮންފަރެންސްގައި ނޫސްވެރިއެއްގެ ސުވާލަކަށް ޖަވާބު ދެއްވަމުން ޑރ. ނަޒްލާ ވިދާޅުވެފައިވަނީ ކޮރޯނާވައިރަސްއިން ރައްކާތެރިވުމަށް އަޅާ މާސްކް އަކީ ވަކި ގޮތަކަށް އެކި ލޭޔަރސް އާ އެކީ ހަދާފައި ހުންނަން ޖެހޭ އެއްޗެއް ކަމެވެ.
އެގޮތުން ހޮސްޕިޓަލް ތަކުގައި ބޭނުން ކުރާ ސަރޖިކަލް މާސްކް އަކީ އެ ސްޓޭންޑަރޑްއަށް ފެތޭ މާސްއެއް ކަމާއި، ނަމަވެސް ފޮތި މާސްކް އަކުން ބޭނުންވާ މަގްސަދު ހާސިލް ނުކުރެވޭނެ ކަމަށް ޑރ. ނަޒްލާ ވިދާޅުވިއެވެ.
ސިއްހީ މާހިރުން މާސްކް އެޅުމާއި ބެހޭގޮތުން ބުނެފައިވަނީ މާސްކް އެޅުން މުހިންމު ވާނީ ބަލިވެފައި ހުރެގެން މީހުންގެ ތެރެއަށް ނުކުންނަން ޖެހިއްޖެނަމައެވެ. ނުވަތަ ބަލިމީހަކަށް އަޅާލާ ނަމައެވެ.
ރާއްޖެއިން މިހާތަނަށް ކޮވިޑް-19 އަށް ވަނީ 10 މީހަކު ޕޮޒިޓިވް ވެފައެވެ.
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (0)