ކޯވިޑް-19އަށް ޕޮޒިޓިވްވެގެން ދަރުމަވަންތަ ހޮސްޕިޓަލަށް ބަދަލުކުރި ބަލިމީހާގެ ހާލުއިތުރަށް ގޯސްވެފައިވާކަމަށް ޑރ. މޫސާ މުރާދު ވިދާޅުވެއްޖެއެވެ.
މިހާރުކުރިއަށްދާ ޕްރެސްގައި ޑރ. މުރާދު ވިދާޅުވިގޮތުގައި ދަރުމަވަންތަ ހޮސްޕިޓަލަށް ބަދަލުކޮށްފައިވާ 70 އަހަރުގެ މީހާގެ ހާލުއިތުރަށް ގޯސްވުމުގެ ސަބަބުން އޮކްސިޖަން ދޭންޖެހިފައިވާކަމަށް ވަނީ ވިދާޅުވެފައެވެ.
ދަރުމަވަންތަ ހޮސްޕިޓަލަށް މިހާތަނަށް ބަދަލުކޮށްފައިވަނީ ކޯވިޑް-19އަށް ޕޮޒިޓިވްވި މީހުންގެ ތެރެއިން ބިދޭސީއަކާއި އޭނާގެ އަންހެނުން އެކަންޏެވެ. އޭނާ ދަރުމަވަންތައަށް ބަދަލުކޮށްފައިވަނީ އުމުރުންދުވަސްވީ މީހަކަށް ވުމުން އިތުރަށް މޮނީޓަރ ކުރުމަށެވެ.
މީގެއިތުރުން ދަރުމަވަންތަ ހޮސްޕިޓަލްގައި މަސައްކަތްކުރާ މުވައްޒަފެއްގެ ގައިން ރޯގާފެނިގެން ކޯވިޑް-19އަށް ޓެސްޓު ހަދާފައިވާ ކަމަށް ޑރ. މުރާދުވަނީ ވިދާޅުވެފައެވެ.
އެހެންނަމަވެސް އެ މުވައްޒަފު ކޯވިޑް-19އަށް ނެގަޓިވްވުމުން މިދުވަސްކޮޅު ގޭގައި މަޑުކުރުމަށް ހުއްދަދީފައިވާކަމަށް ވަނީ ވިދާޅުވެފައެވެ.
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (0)