ނުރައްކާތެރި ކޮރޯނާވައިރަސް (ކޮވިޑް-19) އާއި ގުޅިގެން ދުނިޔޭގައި އެންމެ ފުޅާ ދާއިރާއެއްގައި ބޭސް ސަޕްލައިކުރާ އިންޑިޔާއިން އެހެން ޤައުމުތަކަށް ބޭހުގެ ބާވަތްތައް އެކްސްޕޯޓުކުރުން ކޮންޓްރޯލް ކޮށްފި އެވެ.
އެގޮތުން އިންޑިޔާއިން ވަނީ ޖުމްލަ 26 ވައްތަރެއްގެ ބޭހެއް އެކްސްޕޯޓުކުރުން ކޮންޓްރޯލް ކޮށްފަ އެވެ. އޭގެތެރޭގައި އާންމު ބަލިތަކުގައި އެންމެ ގިނަ މީހުން ބޭނުންކުރާ ޕެރެސެޓްމޯލްގެ އިތުރުން ތަދުކަނޑުވަންދޭ އެސިޓަމިނޯފިން، އެންޓިބަޔޮޓިކްސް އަދި ވިޓަމިންސް ފަދަ ބޭސްތައް ވެސް ހިމެނެ އެވެ.
އިންޑިޔާ ސަރުކާރުންވަނީ މިކަން ޔަގީންވެސް ކޮށްދީފަ އެވެ. އަދި ބޭސް އެކްސްޕޯޓުކުރުން ކޮންޓްރޯލް ކުރިނަމަވެސް ކުރިއަށް އޮތް ދެތިން މަހަށް ބޭނުންކުރެވޭ ވަރަށް ސްޓޮކް ހުރިކަމަށް އެ ޤައުމުގެ ސަރުކާރުން ވަނީ ބުނެފަ އެވެ.
އިންޑިޔާއަކީ ރާއްޖެއަށްވެސް ގިނަ އަދަދެއްގެ ބޭސް އެތެރެކުރާ ޤައުމެކެވެ. އަދި އެކަން ޑރ. އަބްދުﷲ ނިޔާފް ވެސް ވަނީ ފާހަގަކުރައްވާފަ އެވެ.
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (0)