ދުނިޔޭގެ އެކިކަންކޮޅުތަކުގައި ފެތުރެމުންދާ ނުރައްކާތެރި ކޮރޯނާވައިރަސް (ކޮވިޑް-19) އިން ރައްކާތެރިވުމަށްޓަކައި މިއަދު ހާއްސަ އެމަރޖެންސީ ޑްރިލްއެއް ކުރިއަށް ގެންދިއުމަށް ހަމަޖެހިފައިވާ ކަމަށް ސަރުކާރުން ބުނެފި އެވެ.

ހެލްތް މިނިސްޓްރީ އާއި، ހެލްތް ޕްރޮޓެކްޝަން އެޖެންސީ އަދި ނެޝަނަލް ޑިޒާސްޓަރ މެނޭޖްމަންޓާއި ގުޅިގެން ކުރިއަށް ގެންދިއުމަށް ހަމަޖެހިފައިވާ މި ޑްރިލްއަކީ ގޭބިސީއަކުން ކޮވިޑް-19އަށް މީހަކު ޕޮޒިޓިވްވެއްޖެ ހާލަތެއްގައި ކަމާބެހޭ ފަރާތްތަކުން އަމަލުކުރާނޭ ގޮތުގެ މިސްރާބު ދައްކުވައިދިނުމަށް ބާއްވާ ހާއްސަ ޑްރިލްއެކެވެ. 

މި ޑްރިލްގެ ތެރެއިން ގޭބިސީއެއްގައި ކޮވިޑް-19 އިތުރަށް ފެތުރުން ހުއްޓުވުމަށް އެޅޭނެ ފިޔަވަޅުތަކާއި އަދި ކަރަންޓީނުކުރާނޭ ގޮތުގައި އިރުޝާދުވެސް ދޭނެ އެވެ.

ކޮވިޑް-19 އަށް ރައްކާތެރިވުމުގެ ގޮތުން ގައުމީ ފެންވަރުގައި ކުރާ މަސައްކަތްތަކުގެ އެންމެ ފަހުގެ މައުލޫމާތު pic.twitter.com/fGLojigUWS

— NDMA Maldives (@NDMAmv) March 3, 2020

ކޮވިޑް-19އިން ރައްކާތެރިވުމަށް އަޅަމުންދާ ފިޔަވަޅުތަކުގެ މައުލޫމާތު ހާމަކޮށް ސަރުކާރުން ބުނިގޮތުގައި ރާއްޖެއަށްވެސް މި ވައިރަސް އައުމުގެ ފުރުސަތު ވަރަށްވެސް ބޮޑެވެ. އަދި އެކަމަށް ތައްޔާރުވުމުގެ ގޮތުން ދުރާލާ ފިޔަވަޅުތައް އަޅަމުން އަންނަ ކަމަށްވެސް ވަނީ ބުނެފަ އެވެ.

ގުޅުންހުރި ލިޔުންތައް

ފަހުގެ ލިޔުންތައް