ނުރައްކާތެރި ކޮރޯނާވައިރަސް (ކޮވިޑް-19)އިން ރައްކާތެރިވުމުގެ ގޮތުން މާލޭގައި ޓްރެވަލް ކްލިނިކެއް ޤާއިމްކުރުމުގެ މަސައްކަތްކުރަމުން އަންނަކަމަށް ދިވެހި ސަރުކާރުން މިއަދު ބުނެފި އެވެ.
ހެލްތް މިނިސްޓްރީ އާއި އެޗްޕީއޭ އަދި ޑިޒާސްޓާރ މެނޭޖްމަންޓް ގުޅިގެން ކޮވިޑް-19އިން ރައްކާތެރިވުމުގެ ގޮތުން އަޅަމުންދާ ފިޔަވަޅުތައް ހާމަކޮށް މިއަދު ވަނީ ނޫސްބަޔާނެއް ނެރެފައެވެ.
މި ނުސްބަޔާނުގައި ވާގޮތުން މާލޭގައި މިހާރު ޤާއިމްކުރަމުންދާ ޓްރެވަލް ކްލިނިކްގެ ބޭނުމަކީ ރާއްޖެއިން ބޭރަށް ދަތުރުކޮށްފައި އަންނަ ފަރާތްތައް ކޮވިޑް-19އަށް އިތުރަށް ޓެސްޓްކުރުމެވެ.
ކޮވިޑް-19 އަށް ރައްކާތެރިވުމުގެ ގޮތުން ގައުމީ ފެންވަރުގައި ކުރާ މަސައްކަތްތަކުގެ އެންމެ ފަހުގެ މައުލޫމާތު pic.twitter.com/fGLojigUWS
— NDMA Maldives (@NDMAmv) March 3, 2020
ކޮވިޑް-19އަށް ޓެސްޓްކުރުމުގެ އިތުރުން މިދުވަސްވަރު ފެތުރެމުންދާ އާއްމު ރޯގާތަކަށް ހާއްސަކުރެވިގެން އަވަސް ހިދުމަތްތަކާއެކު ފްލޫކްލިނިކެއް މި ހަފްތާ ތެރޭގައި ސެނެހިޔާގައި ވެސް ޤާއިމްކުރާނޭ ކަމަށް ސަރުކާރުން ވަނީ ބުނެފަ އެވެ.
ކޮވިޑް-19 ރާއްޖެއިންވެސް ފެނިދާނޭކަމުގެ ފުރުސަތު އޮތުމާއި ރައީސުލްޖުމްހޫރިއްޔާގެ އިރުޝާދުގެ ދަށުން ސަރުކާރުން ވަނީ ނެޝަނަލް އެމަރޖެންސީ އޮޕަރޭޝަންސް ސެންޓްރެއްވެސް ޤާއިމްކޮށްފަ އެވެ.
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (0)