އަވަށްޓެރި އިންޑިޔާއިން ނުރައްކާތެރި ކޮރޯނާވައިރަސް (ކޮވިޑް-19) އަށް ދެމީހަކު ޕޮޒިޓިވްވެފައިވާ ކަމަށް އެ ޤައުމުގެ ސަރުކާރުން ކަށަވަރުކޮށްދީފި އެވެ.
އެނގިފައވާގޮތުގައި މިފަހަރު ކޮވިޑް-19 ފެނިފައިވަނީ އިންޑިޔާގެ އެންމެ ހަލަބޮލި އެއް އަވަށްކަމަށްވާ ނިއުދިއްލީ އިންނާއި އަދި ހައިދަރުއާބާދުގައި އޮންނަ ތެލަންގަނާ ސްޓޭޓުންނެވެ. ނިއުދިއްލީއަކީ ގިނަ އަދަދަކަށް ދިވެހިންވެސް ދަތުރުކޮށްއުޅޭ ސިޓީއެކެވެ.
އިންޑިޔާއިން ކޮރޯނާވައިރަހަށް ޕޮޒިޓިވްވި ދެ މީހުންނަކީވެސް ދާދިފަހުން އިޓަލީއަށް ދަތުރުކޮށްފައިވާ ދެ މީހުންކަމަށް އިންޑިޔާގެ ސަރުކާރުން ވަނީ ބުނެފަ އެވެ. އަދި ދެމިހުންގެ ހާލަތުވެސް ރަނަގަޅުކަމަށާއި ދެ މީހުންގެ ހާލަތު ވަރަށްގާތުން މޮނިޓަރ ކުރަމުން އަންނަކަމަށްވެސް ވަނީ ބުނެފަ އެވެ.
މިއާއެކު އިންޑިޔާ އިން މިހާތަނަށް 5 މީހަކު ކޮރޯނާވައިރަސްއަށް ޕޮޒިޓިވް ވެފައިވާ ކަމަށް ރިޕޯޓުކޮށްފައިވެއެވެ. އޭގެ ތެރެއިން 3 މީހުން ވަނީ ބަލިން ސަލާމަތްވެފައެވެ.
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (0)