ޗައިނާގައި ހަލުވިކަމާއެކު ފެތުރެމުންދާ ނުރައްކާތެރި ކޮރޯނާވައިރަސް (ކޮވިޑް-19) އާއި ގުޅިގެން މިދުވަސްވަރު ގިނަމީހުން އެއްވެގެން ހިންގާ ހަރަކާތްތައް ނުބޭއްވުމަށް ހެލްތް ޕްރޮޓެކްޝަން އެޖެންސީއިން އިލްތިމާސްކޮށްފި އެވެ. 

 ކޮރޮނާވައިރަހުގެ ހާލަތު ބެލުމަށްފަހު އެޗްޕީއޭއީން އާއްމުކުރި ނޫސްބަޔާނުގައި ވާގޮތުން ޗައިނާގެ އިތުރުން އިރުމަތީ އޭޝިއާއަށް ނިސްބަތްވާ ބައެއް ޤައުމުތަކުންވެސް މި ނުރައްކާތެރި ވައިރަސް ފެތުރެމުންދާކަމަށް ވަނީ ބުނެފަ އެވެ. އަދި އޭގެތެރޭގައި ޗައިނާއަށް ދަތުރުކޮށްފައި ނުވާ ފަރާތްތައް ވެސް ހިމެނެ އެވެ.

ދަތުރުފަތުރުކޮށް އުޅުމުގައި މުހިންމު ސަމާލުކަމެއް ދިނުމަށް އެޗްޕީއޭއިން އިލްތިމާސްކޮށްފައިވާ ޤައުމުތަކުގެ ތެރޭގައި ހިމެނެނީ:

• ޖަޕާން
• ސިންގަޕޫރު
• ހޮންގް ކޮންގް
• ސައުތު ކޮރެއާ
• ތައިލެންޑް
• އީރާން
• އިޓަލީ

 އަދި އެޗްޕީއޭއިން ވަނީ ރާއްޖެއިން ބޭރަށް ދަތުރުކޮށްއުޅުމުގައި ދިވެހިން ސަމާލުކަން ދޭންވީ ކަންކަމުގެ އިރުޝާދުވެސް އާންމު ކޮށްފަ އެވެ. އޭގެތެރޭގައި ހިމެނެނީ:

     ދަތުރުކުރާ ޤައުމެއްގައި ބަލި ފެތުރޭ މިންވަރާއި ސަރަހައްދުތައް ދެނެގަތުން

     އެ ޤައުމެއްގެ ސަރުކާރުން، ރައްކަތެރިވުމަށް އެޅުމަށް އަންގާފައިވާ ފިޔަވަޅުތައް ދެނެގަނެ، އެކަންކަމަށް އަމަލުކުރުން

     ރޯގާޖެހި ހުން އައިސްފައި ތިބޭ މީހުންނާއި ކައިރިން ނޫޅުން

     ސައިބޯނި ލައިގެން ގިނަގިނައިން އަތްދޮވުން / ސައިބޯނި ނެތްނަމަ ހޭންޑް ސެނިޓައިޒާރ ބޭނުންކުރުން

     ދަތުރުކުރުމަށްފަހު އެނބުރި އައިސް ރޯގާޖެހި، ކެންސާ ހުން އައުން ފަދަ އަލާމާތެއް ފެނިއްޖެނަމަ ގޭގައި މަޑުކުރުން އަދި އިތުރަށް ގޯސްވާނަމަ ޑޮކްޓަރެއްގެ ލަފާ ހޯދުން

 

ކޮރޯނާވައިރަސް ޖެހިގެން މިހާތަނަށް ވަނީ 2،457 މީހުން މަރުވެފަ އެވެ. އަދި ޖުމްލަ 78،655 މީހުންވަނީ މި ނުރައްކާތެރި ވައިރަހަށް ޕޮޒިޓިވް ވެފައެވެ.

ގުޅުންހުރި ލިޔުންތައް

ފަހުގެ ލިޔުންތައް