ޗައިނާއިން އުފަންވެ ދުނިޔޭގެ އެކި ހިސާބުތަކަށް ފެތުރެމުންދާ ކޮވިޑް-19ގެ ނަންދީފައިވާ ކޮރޯނާވައިރަސް ކޮންޓްރޯލްކުރުމަށް ކުރަމުންދާ މަސައްކަތް ފެއިލްވެއްޖެނަމަ ދުނިޔޭގެ އާބާދީގެ 60 އިންސައްތައަށް ޖެހިދާނޭކަމުގެ ބިރު އެބައޮތްކަމަށް ހޮންކޮންގް ގެ މެޑިކަލް އޮފިޝަލް ޕްރޮފިސަރ ގެބްރިއަލް ލެއުންގް ބުނެފި އެވެ.

ގާޑިއަން އިން ބުނެފައިވާގޮތުގައި ޕްރޮފެސަރ ލެއުންގްގެ ތަފާސްހިސާބު ދިމާވާނަމަ ދުނިޔޭގެ އާބާދީގައި ހިމެނޭ 7 ބިލިޔަން މީހުންގެ ތެރެއިން 4 ބިލިޔަން މީހުންނަށް މި ވައިރަސް ޖެހުމަކީ އެކަށީގެންވާ ކަމެކެވެ. އަދި އޭގެތެރެއިން އެއް އިންސައްތަ މީހުން މަރުވެއްޖެނަމަ، ފުރާނަ ގެއްލިގެންދާނީ ދުނިޔޭގެ އާބާދީގެ 45 މިލިޔަން މީހުންގެ ކަމަށް ލެއުންގް ވަނީ ބުނެފަ އެވެ.

މީގެ އިތުރުން ގިނަ ސިއްހީ މާހިރުން ގަބޫލުކުރާ ގޮތުގައި މިވައިރަސް ޖެހިފައިވާ މީހެއްގެ ފަރާތުން އެވަރޭޖްކޮށް 2.5 މީހުންނަށް މިބަލި ޖެހެއެވެ. އެހެންކަމުން ދުނިޔޭގެ 60-80% މީހުންނަށް މިބަލި ޖެހިދާނެކަމަށް ލެއުންގް ވިދާޅުވިއެވެ.

ލިއުންގް މިހެން ބުނިނަމަވެސް ދުނިޔޭގެ ސިއްހަތު ޖަމިއްޔާއިން އިއްޔެވަނީ ޔަގީންނުވާ ގޮތްތައް ތަފާސްހިސާބުތައް ނުހެދުމަށް އިލްތިމާސްކޮށްފަ އެވެ. އަދި ޗައިނާއިން މި ދޭތެރެއިން ކޮރޯނާވައިރަސް ޖެހިގެން މަރުވި މީހުންގެ އަދަދު މަތިވިނަމަވެސް މިހާރު އެ ރޭޓް ވަނީ ދަށަށްދާން ފަށާފަ އެވެ. އަދި ސައިންޓިސްޓުންވަނީ މިއީ މިކަމުން ސަލާމަތްވާން ލިބުނު އިތުރު ހިތްވަރެއްގެ ގޮތުގައި ފާހަގަކޮށްފަ އެވެ. 

ޗައިނާގެ ވޫހާން ސިޓީއިން ފެނުނު ކޮރޯނާވައިރަސްވަނީ މިހާތަނަށް 60،000 އަށްވުރެ ގިނަ މީހުންނަށް ޖެހިފައެވެ. އަދި މި ވައިރަސްޖެހިގެން މިހާތަނަށް މަރުވި މީހުންގެ އަދަދު ވަނީ 1،300 އަށް އަރާފައެވެ.

ގުޅުންހުރި ލިޔުންތައް

ފަހުގެ ލިޔުންތައް