ކޮރޯނާވައިރަސް ހުރިކަމަށް ޝައްކުކުރެވިގެން ރާއްޖެއިން ހެދި އެއްވެސް ޓެސްޓެއް ޕޮޒިޓިވްވެފައި ނުވާކަމަށް އެޗްޕީއޭއިން ބުނެފި އެވެ.
Great news: no samples positive for #2019nCoV in the Maldives so far @MoHmv
— HPA Maldives (@HPA_MV) February 3, 2020
އެޗްޕީއޭގެ އިތުރުން ރައްޔިތުންގެ މަޖިލިސް ހުޅުވުމުގެ ރަސްމިއްޔާތުގައި ރައީސް އިބްރާހީމް މުހައްމަދު ސާލިހްވެސް ވަނީ މިކަން ޔަގީންކޮށްދެއްވާފަ އެވެ.
ކޮރޯނާވައިރަސްއަށް ޝައްކުވެގެން ފާއިތުވި ހަފްތާގެ ބުރާސްފަތި ދުވަހުގެ ރޭ އުމުރުން 20 އަހަރުގެ ދިވެހި ޒުވާނެއްގެ އިތުރުން ދެ މީހުން ވަނީ ކަރަންޓީނުކޮށްފައެވެ.
މި ޒުވާނާ އަކީ ބުރާސްފަތި ދުވަހު ޗައިނާގައި އޮތް ފެއާއެއްގައި ބައިވެރިވުމަށްފަހު އެނބުރި ރާއްޖެއައި މީހެކެވެ.
ހަލުވިކަމާއެކު ފެތުރެމުންދާ ކޮރޮނާވައިރަސްގެ ސަބަބުން ސަރުކާރުން އިއްޔެވަނީ ރޭ ބާރައިން ފެށިގެން ޗައިނާގައި ހުރި އެއްވެސް މީހަކަށް ރާއްޖެ އެތެރެނުވެވޭގޮތަށް ޓްރެވަލް އެޑްވައިޒަރީއެއްވެސް ނެރެފަ އެވެ.
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (0)