މާދަމާއިން ފެށިގެން ޗައިނާއަށް ޒިޔާރަތްކުރި އެއްވެސް މީހަކަށް އަދި މިހާރު ޗައިނާގައި ހުރި އެއްވެސް މީހަކަށް ރާއްޖެ ނާދެވޭގޮތަށް ސަރުކާރުން ޓްރެވަލް އެޑްވައިޒަރީއެއް ނެރެފިއެވެ.
ސަރުކާރުން މިއަދު ކުރިއަށްގެންދިޔަ ޕްރެސް ކޮންފަރެންސްގައި ޓޫރިޒަމް މިނިސްޓަރ އަލީ ވަހީދު ވިދާޅުވީ ޗައިނާގައި ހުރި އެއްވެސް ޤައުމެއްގެ މީހަކަށް އަދި ޗައިނާގެ މީހަކަށްވެސް މިރޭ 12:00ގެ ފަހުން ރާއްޖެ ނާދެވޭނޭ ކަމަށެވެ.
އެހެންނަމަވެސް ޗައިނާއަށް ޒިޔާރަތްކުރި ނުވަތަ ޗައިނާގައި ދިރިއުޅޭ ދިވެއްސަކަށް ރާއްްޖެ އާދެ ވޭނެކަމަށް ފާހަގަ ކުރެއްވިއެވެ.
އަދި މިއީ ސީދީ ރައީސް އިބްރާހިމް މުހައްމަދު ސާލިހްގެ ނިންމުމެއްކަމަށް ޓޫރިޒަމް މިނިސްޓަރ ވަނީ ވިދާޅުވެފަ އެވެ.
މިނިސްޓަރ އަލީ ވަހީދު ވިދާޅުވިގޮތުގައި ސަރުކާރުގެ މި ނިންމުމަކީ ރައްޔިތުންގެ ސަލާމަތާއި ރައްކާތެރިކަމަށްޓަކައި އެޅި ފިޔަވަޅެކެވެ.
މިނިސްޓަރ އަބްދުﷲ އަމީން ވިދާޅުވިގޮތުގައި ސަރުކާރުގެ މި ނިންމުމަކީ ކޮރޮނާވައިރަހުގެ ހާލަތާއި ގުޅިގެން ހާލަތަށް އަންނަ ބަދަލުތަކަށް ބެލުމަށްފަހު ނިންމި ނިންމުމެކެވެ.
ސަރުކާރުން ވަނީ ފާއިތުވި ހަފްތާގައި ކޮރޮނާވައިރަސް އާއި ގުޅިގެން ޗައިނާއިން ރާއްޖެއަންނަ ސީދާ ފްލައިޓްތައްވެސް ހުއްޓާލާފާއެވެ.
އަދި މިއަދު އިންޑިޔާ ސަރުކާރުގެ އެހީގައި ދިވެހި ސަރުކާރުން ވަނީ ޗައިނާގައި ތިބި ހަތް ދިވެއްސެއް އިންޑިޔާގެ ނިއުދިއލީއަށް ގެންގޮސް ކަރަންޓީނުކޮށްފަ އެެވެ.
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (0)