ޗައިނާގައި މިދުވަސްވަރު ފެތުރެމުންދާ ނޮވެލް ކޮރޮނާވައިރަސް އައުޓްބްރޭކް އާއި ގުޅިގެން ޗައިނާގެ ވޫހާންގައި ތިބި ދިވެހިން މިއަދު އިންޑިޔާއަށް ގެންގޮސްފައިވާކަމަށް ފޮރިން މިނިސްޓަރ އަބްދުﷲ ޝާހިދު ވިދާޅުވެއްޖެއެވެ.
ރައީސް އޮފީހުގައި މިއަދު ކުރިއަށް ދިޔަ ނުސްވެރިންގެ ބައްދަލުވުމުގައި ވާހަކަފުޅުދައްކަވަމުން މިނިސްޓަރ ޝާހިދު ވިދާޅުވީ ވޫހާންގައި ތިބި ދިވެހިން ގެންގޮސްފައިވަނީ އިންޑިޔާގެ ދިއްލީއަށް ކަމަށެވެ.
އަދި މި މސައްކަތް ފުރިހަމަކުރައްވާފައިވަނީ ރައީސްގެ އިރުޝާދާއި އެކުގައި ކަމަށް މިނިސްޓަރ ވަނީ ވިދާޅުވެފަ އެވެ.
ޗައިނާއިން އިންޑިޔާއަށް މިއަދު ގެންގޮސްފައިވަނީ ޖުމްލަ ހަތް ދިވެހިންނެވެ. އަދި މި ހަތް ދިވެހިންނާއި ފްލައިޓުން ދަތުރުކުރި އިންޑިޔާ ރައްޔިތުން އިންޑޯރ- ޓިބެޓަން ބޯޑަރ ޕޮލިސް ޗައުލާ ކޭމްޕަށް މިއަދު މެންދުރު 12 ގެންދާނޭކަމަށް މިނިސްޓަރ ވަނީ ވިދާޅުވެފަ އެވެ.
މިނިސްޓަރ އިތުރަށް ވިދާޅުވިގޮތުގައި މި ކޭޕްގައި ދެވި ހަތްމީހުންވެސް ބައިނަލްއަޤްވާމި އުސޫލުތަކުގެ މަތިން ކަރަންޓީނުގެ މުއްދަތު ފުރިހަމަކުރުމަށް ވަނީ ހަމަޖެހިފައެވެ.
އަދި އިންޑިޔާގައި ހުންނަ ދިވެހި ހައިކޮމިޝަން މެދުވެރިކޮށް އާއިލާތަކާއި ގުޅޭނެގޮތްވެސް ހަމަޖައްސާނޭކަމަށް ވަނީ ވިދާޅުވެފަ އެވެ.
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (0)