ޗައިނާއިން ދުނިޔޭގެ އެކި ޤައުމުތަކަށް ފެތުރެމުންދާ ނޮވެލް ކޮރޯނާވައިރަސް އަށް ޝައްކުކުރެވޭ މީހަކު ރޭގެ ވަގުތެއްގައި ރާއްޖެއިން ވެސް ވަނީ ފެނިފަ އެވެ. މިއާއެކު ދިވެހިންގެ ހާސްކަންވެސް މިވަނީ ދެ ގުނައަށް އިތުރުވެފަ އެވެ.

ކޮރޯނާވައިރަސް އަކީ އާދައިގެ ރޯގާތަކާއި އެއްވައްތަރުގެ ބައްޔެއް ކަމުން މި ބައްޔަށް ކިރިޔާވެސް ޝައްކުވާނަމަ އަވަހަށް ފަރުވާ ލިބިގަތުމަށް ކޮންމެ މީހެއްވެސް ބޭނުންވާނެ އެވެ. އެހެންކަމުން މި ވައިރަސްއަށް ޝައްކުވާނަމަ އަމަލުކުރަންވީ ގޮތުގެ އިރުޝާދު ކުޑަކުދިންގެ ޑޮކްޓަރ އަބްދުﷲ ނިޔާފް ވެސް ވަނީ ދެއްވާފަ އެވެ.

ކޮރޯނާވައިރަސްއަށް ކުޑަކޮށްވެސް ޝައްކުވާނަމަ، ހޮޓްލައިން 7377004 ގުޅައި އެންގުމަކާއި ނުލައި ސިއްހީ ހިދުމަތްދޭ އެއްވެސް ތަނަކަށް ނުދިއުމަށް ޑރ. ނިޔާފް ވަނީ އިރުޝާދު ދެއްވާފަ އެވެ.

ޗައިނާގެ ހުރިހާ ޕްރޮވޮންސް އަކުން ކޮރޯނާވައިރަސް މިހާރު ފެނިފަ ވުމާއިއެކު, ހުމާ, ރޯގާ, ކެއްސުން, ނޭވާކުރުވުން ފަދަ އަލާމާތެއް ޗައިނާއިން ފުރިތާ 14 ދުވަސްތެރޭ ފެނިއްޖެނަމަ ހޮޓްލައިން 7377004 އަށް ގުޅާ ހަދަންވީގޮތުގެ މައުލޫމާތު ހޯދާ

ގުލާ އެންގުމަކާނުލާ މަރުކަޒު/ހޮސްޕިޓަލަށް ނުދޭ!

— Abdulla Niyaf (@niyaf) January 30, 2020

ހާއްސަކޮށް މި ވައިރަސް ޗައިނާގެ ހުރިހާ ޕްރޮވިންސްއަކަށް ވެސް ފެތުރިފައިވުމާއެކު، ވައިރަސްގެ އަލާމާތްތައް ކަމަށްވާ ހުމާއި، ރޯގާ، ކެއްސުން އަދި ނޭވާ ކުރުވުން ފަދަ އަލަމާތެއް ޗައިނާއިން ފުރުތާ 14 ދުވަސްތެރޭގައި ފެނިއްޖެނަމަ ވަގުތުން ހޮޓްލައިން އަށް ގުޅާ އެންގުމަށް ޑރ. ނިޔާފް ވަނީ އިރުޝާދު ދެއްވާފަ އެވެ.

ޑރ. ނިޔާފް ވަނީ ތަކުރާރުކޮށް ވައިރަސްއަށް ޝައްކުވާނަމަ ގުޅާއެންގުމަކާއި ނުލައި ސިއްހީ ހިދުމަތްދޭ ތަންތަނަށް ނުދިއުމަށް އިލްތިމާސްކޮށްފަ އެވެ. އަދި ބަލި ފެތުރުމުގެ ފުރުސަތު ކުޑަކުރުމަށް އިލްތިމާސްކޮށްފަ އެވެ.

ޑރ. ނިޔާފް ވިދާޅުވި ގޮތުގައި ކޮރޯނާ ވައިރަސްއަށް ޝައްކުކުރެވޭ ނުވަތަ ބަލިމީހާގެ ވަށައިގެން ދިރިއުޅޭ މީހުންވެސް މި ވައިރަސްއަށް ޝައްކު ކުރެވިއްޖެނަމަ ސއްހީ ހިދުމަތްދޭ ތަންތަނަށް ޒިޔާރަތްކުރުމުގެ ކުރިން ހޮޓްލައިންއަށް ގުޅައި އެންގުމަށް ޑރ. ނިޔާފް ވަނީ އެދިލައްވާފަ އެވެ.

ވައިރަސްއަށް ޝައްކުކުރެވިފައި ވާނަމަ ސަމާލުކަން ދިނުމަށް ޑރ. ނިޔާފް އިރުޝާދުދެއްވާފައިވާ ބައެއް ކަންކަމުގެ ތެރޭގައި ހިމެނެނީ:

• ކެއްސާ ކިބިހި އަޅާނަމަ ނޭފަތާ އަގަ ޓިޝޫއަކުން ރަގަޅައް ނިވާކުރުން
• ބޭނުންކޮށް ނިމުމާއި އެކު ޓިޝޫ ރައްކާތެރިކޮށް ޑަސްބިން އަށްލުން
• އަނެއްކާވެސް އަތް ސާފުކުރުން
• ‏ރޯގާ ވެސް ޓިޝޫއައް ފޮޅުން
•  އެ ޓިޝޫވެސް ރައްކާތެރިކޮށް ބިންއަށްލުން
• އާންމު ތަންތަނަށް ރޯގާފޮޅާ, ކުޅުޖަހާ ނުހެދުން

ގުޅުންހުރި ލިޔުންތައް

ފަހުގެ ލިޔުންތައް