ދުނިޔޭގެ އެކި ކަންކޮޅުތަކުގައި ފެތުރެމުންދާ ނުރައްކާތެރި އާ ކޮރޯނާ ވައިރަސް ޖެހިފައިވާ މީހެއް އަވަށްޓެރި ސްރީލަންކާއިން ފެނިފައިވާ ކަމަށް އެ ގައުމުގެ ސިއްހަތާ ބެހޭ އިދާރާއިން ހާމަކޮށްފި އެވެ.

ލަންކާގެ ހެލްތް ޕްރޮޓެކްޝަން ބިއުރޯއިން ބުނީ ވައިރަސް ޖެހިފައިވާ މީހެއް އެ ގައުމުން ފެނިފައިވީ ނަމަވެސް އެ ވައިރަސް ސްރީލަންކާގައި ފެތުރުމުގެ ފުރުސަތެއް ނެތް ކަމަށެވެ. އެހެންވެ ރައްޔިތުން ކަންބޮޑުނުވުމަށް އިރުޝާދު ދީ، ވައިރަސް ފެތުރުނަ ނުދޭން ފިޔަވަޅުތައް އަޅާނެ ކަމަށް ވެސް އެ ބިއުރޯއިން ވަނީ ބުނެފަ އެވެ.

ޗައިނާއިން ފެތުރެންފަށާފައިވާ ކޮރޮނާވައިރަސް އެ ޤައުމުގެ އިތުރުން، އެހެން ގައުމުތަކުން ވެސް ވަނީ ފެނިފައެވެ. އެގޮތުން އެމެރިކާގެ ސީޑީސީ އިން ރިޕޯޓުކޮށްފައިވާ ގޮތުގައި މިވައިރަސް ފެނިފައިވާ ގައުމުތަކުގެ ތެރޭގައި؛ 

ޗައިނާ،

ތައިލަންޑް، 

ހޮންގް ކޮންގް، 

މަކާއޯ، 

ސައުތުކޮރެއާ، 

ޓައިވާން، 

ޖަޕާން، 

ނޭޕާލް،

އޮސްޓްރޭލިއާ،

ކެމްބޯޑިއާ،

ކެނަޑާ،

ފްރާންސް،

މެލޭޝިއާ،

ވިއެޓްނާމް 

ސިންގަޕޫރު، 

އަދި އެމެރިކާއިންވެސް ވަނީ މި ވައިރަސް ފެނިފަ އެވެ. 

ސްރީލަންކާގެ ބައެއް ނޫސްތަކުން ރިޕޯޓް ކުރާ ގޮތުގައި ކޮރޯނާ ވައިރަހަށް ޕޮޒިޓިވްވެފައިވަނީ އެ ގައުމަށް އެތެރެވި ޗައިނާ އަންހެނެކެވެ. އެއީ ޗައިނާގެ ހޫބޭ ޕްރޮވިންސްއިން އައި މީހެއް ކަމަށްވެ އެވެ. ވައިރަސް ފުރަތަމަ ފެނިފައިވަނީ ވެސް އެ ޕްރޮވިންސް ނިސްބަތްވާ ވުހާން ސިޓީއިންނެވެ.

ދުނިޔޭގެ ސިއްހަތާބެހޭ ޖަމިއްޔާ ޑަބްލިޔުއެޗްއޯ އިން ބުނާ ގޮތުންނަމަ، ކޮރޯނާވައިރަސްތަކަކީ އާދައިގެ ރޯގާ އިން ފެށިގެން މިޑްލް އީސްޓް ރެސްޕިރޭޓަރީ ސިންޑްރޯމް (މާސް) އާއި ސިވިއާ އެކިއުޓް ރެސްޕިރޭޓަރީ ސިންޑްރޯމް (ސާސް) ފަދަ ނޭވާލާ ނިޒާމަށް ވަރަށް ބޮޑަށް އަސަރުކުރާ ބައްޔެކެވެ.

ގުޅުންހުރި ލިޔުންތައް

ފަހުގެ ލިޔުންތައް