މަރްޔަމް ޢަދީލާ
ޝާއިޢު ކުރީ: 17/01/2020
Kulhudhuffushi Regional Hospital Dr Althaf Adnan Ismail Surgeon
ރާއްޖޭގެ ތިން ވަނަ އަންހެން އޮޕަރޭޝަން ޑޮކްޓަރ، ޑރ. އަލްތާފް އަދުނާން އިސްމާއިލް ދާއިމީކޮށް ހދ. ކުޅުދުއްފުށީ ހޮސްޕިޓަލުގައި ބަލިމީހުން ބައްލަވަން ފައްޓަވައިފި އެވެ.
ޑރ. އަލްތާފް ކުޅުދުއްފުށީ ހޮސްޕިޓަލްގައި މަސައްކަތް ކުރައްވަން ފެއްޓެވުމާއެކު، މިހާރު އެ ހޮސްޕިޓަލްގައި ޖުމްލަ ތިން އޮޕަރޭޝަން ޑޮކްޓަރުން މަސައްކަތް ކުރައްވާނެއެވެ. އޭގެތެރެއިން ދެ ޑޮކްޓަރުންނަކީ މިސްރަށް ނިސްބަތްވާ ޑޮކްޓަރުންނެވެ.
It is a proud moment for us to introduce our new Maldivian Surgeon. Welcome to our team!
— Kulhudhuffushi Regional Hospital (@KRHmv) January 12, 2020
For OPD Bookings please visit or contact 6528864.
Thank You! pic.twitter.com/RcMlYVH9r1
ރާއްޖޭގައި މިހާރު ހުންނެވި ތިންވަނަ އަންހެން އޮޕަރޭޝަން ޑޮކްޓަރު، ޑރ. އަލްތާފް ވަނީ އިންޑިޔާގެ ބާތީ ވިދްޔަޕީތް މެޑިކަލް ކޮލެޖުން އެމް.ބީ.ބީ.އެސް ހާސިލްކުރައްވާ، ނޭޕާލުގެ ނެޝަނަލް އިންސްޓިޓިއުޓް އޮފް މެޑިސިން އިން އެމް.އެސް ހާސިލްކުރައްވާފަ އެވެ.
ނޭޕާލުން އެމް.އެސް ހާސިލްކުރެއްވުމަށްފަހު ޑރ. އަލްތާފް ހިދުމަތްދެއްވާ ފުރަތަމަ ހޮސްޕިޓަލަކީ ކުޅުދުއްފުށީ ރީޖަނަލް ހޮސްޕިޓަލެވެ. އަދި މި ހޮސްޕިޓަލް އިހްތިޔާރުކުރެއްވީ ކައިރި 3 އަތޮޅެއްގެ ރައްޔިތުން ކުޅުދުއްފުށީ ރީޖަނަލް ހޮސްޕިޓަލުން ހިދުމަތް ހޯއްދަވާތީވެ، ގިނަ ބަޔަކަށް ހިދުމަތް ފޯރުކޮށްދިނުމުގެ މަޤްސަދުގައި ކަމަށް ޑރ. އަލްތާފް ވަނީ ވިދާޅުވެފަ އެވެ.
"މިކޮޅުގެ މެނޭޖެމަންޓް ސައިޑުން ވަރަށް ސަޕޯޓިވް. އެހެންވެ އެކަމާ ވަރަށް ހިތްހަމަޖެހޭ. ވަރަށް ޕޮޒިޓިވް މެނޭޖްމަންޓެއް މިއީ" ކުޅުއްދުއްފުށީ ހޮސްޕިޓަލާއި ގުޅޭގޮތުން ވާހަކަދައްކަވަމުން ޑރ. އަލްތާފް ވިދާޅުވި އެވެ.
ކުޅުދުއްފުށީ ހޮސްޕިޓަލަކީ މި ސަރުކާރުގެ އެކްޝަން ޕްލޭން ދަށުން ޓާޝަރީ ފެންވަރަށް ބަދަލުކުރުމަށް ނިންމާފައިވާ އެއް ހޮސްޕިޓަލެވެ. އަދި ކުޅުދުއްފުށީ ހޮސްޕިޓަލުން ދާދި ފަހުން ވަނީ އެތެރެހަށީގެ ދިވެހި ޑޮކްޓަރެއް ކަމަށްވާ ޑރ. ނަޒީފުވެސް ބަލިމީހުން ބައްލަވަން ފައްޓަވާފައެވެ.
ކުޅުދުއްފުށީ ހޮސްޕިޓަލުގައި މިސްރުގެ އިތުރުން އިންޑިޔާ، ބަނގުލަދޭޝް، ޕާކިސްތާނު އަދި ފަލަސްތީނުގެ ޑޮކްޓަރެއްވެސް އަންނަނީ މަސައްކަތް ކުރައްވަމުންނެވެ.
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (0)