ރާއްޖޭގައި ދުންފަތުގެ ބާވަތްތައް ބޭނުންކުރާ މިންވަރު މަދުކުރުމަށް އުފައްދާފައިވާ ޤާނޫނުގެ ދަށުން ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ވަނީ މިއަހަރުގެ ޑިސެމްބަރު މަހުގެ 1 ވަނަ ދުވަހުން ފެށިގެން އިންޒާރުގެ ފޮޓޯއާއި ނުލައި ދުންފަތުގެ އެއްވެސް ބާވަތެއް ވިއްކުން މަނާކޮށްފަ އެވެ.

އެޗްޕީއޭއިން އާއްމުކޮށްފައިވާ އިއުލާންގައި ބުނެފައިވާގޮތުން ވިއްކާ ސިގިރޭޓް ފޮށި ނުވަތަ ކާޓޫނުގެ 90 އިންސައްތައިގައި ހުންނަންވާނީ އިންޒާރުގެ ފޮޓޯ ޖަހާފައެވެ. އަދި ފޮށީގައި ފޮޓޯ ޖަހާފައި ހުންނަން ޖެހޭނީ މިއަހަރުގެ ފެބްރުއަރީ މަހު ގެޒެޓް ކޮށްފައިވާ ނަމޫނާ އާއި އެއްގޮތަށެވެ.

އިންޒާރުގެ ފޮޓޯގެ ސަބަބުން އާއްމުންނަށް ކުރާނީ ކޮންކަހަލަ އަސަރެއް؟

• މިފަދަ ފޮޓޯގެ ސަބަބުން އާއްމުން ދުންފަތުގެ ސަބަބުން ލިބޭ ގެއްލުމަށް ހޭލުންތެރިވުން
• އަމިއްލަ ސިއްހަތަށް ވިސްނުމާއެކު ދުންފަތުގެ އިސްތިއުމާލު ކުރުން ހުއްޓާލުމަށް ހިތްވަރު ލިބުން
• ލިޔަން ކިޔަން ނޭނގޭ މީހުންނަށްވެސް އިންޒާރުގެ މެސެޖު ލިބުން
• ކުޑަކުދިންނާއި ޒުވާނުން ދުންފަތުގެ އިސްތިއުމާލު ކުރުމުން ދުރުހެލިވުމަށް އެހީތެރިވުން
• އާއްމުންގެ ތެރޭގައި ދުންފަތުގެ އިސްތިއުމާލުކުރުމުން ދުރުހެލިވުން
• މި ޤާނޫނަށް އަމަލު ކުރަމުންދާ އެހެން ޤައުމުތަކުގެ ތަޖުރިބާއަށް ބަލާއިރު، ވިޔަފާރިއަށް މިކަމުގެ ސަބަބުން ގެއްލުން ނުވުން    

މީގެއިތުރުން އެޗްޕީއޭއިން ބުނެފައިވާ ގޮތުން ސިގިރޭޓް ފޮއްޓެއްގައި އެންމެ ގިނަ ވެގެން ބަންދު ކުރެވޭނީ 20 ސިގިރޭޓެވެ. ބިޑި ބޮޑިއެއްގައި ގިނަވެގެން 50 ބިޑި ބަންދު ކުރެވޭއިރު، ދުންފަތުގެ އެހެން ބާވަތްތަކުން އެންމެ ގިނަ ވެގެން ބަންދުކުރެވޭނީ 50 ގްރާމް ކަމަށްވެސް ވަނީ ބުނެފަ އެވެ.

ގުޅުންހުރި ލިޔުންތައް

ފަހުގެ ލިޔުންތައް