ބުލަޅުގެ ޒަރިއްޔާއިން ފެތުރޭ ބައްޔެއް ކަމަށްވާ ލާވާ މައިގްރަންސް ބަލި މިދުވަސްވަރު ފެތުރެމުންދާތީވެ، އާއްމުން މި ބައްޔަށް ސަމާލުވުމަށް ހެލްތް ޕްރޮޓެކްޝަން އެޖެންސީ (އެޗްޕީއޭ)އިން އިލްތިމާސްކޮށްފި އެވެ.

އެޗްޕީއޭއިން އިއްޔެ ކުރި ޓްވީޓެއްގައި ބުނެފައިވަނީ މި ބައްޔަކީ އަބަދުވެސް ރާއްޖެއިން ފެންނަ ބައްޔެއް ކަމަށެވެ. އަދި އެޗްޕީއޭއިން ވަނީ އަވަހަށް ފަސޭހަ ކުރެވޭ ބައްޔެއްގެ ގޮތުގައި ލާވާ މައިގްރަންސް ބަލި ފާހަގަކޮށްފަ އެވެ.

މި ބަލި ޖެހެނީ ބުޅަލުގެ ނަޖިހުން އިންސާނުންގެ ހަންގަނޑަށް ކަމަށްވާއިރު، މި ބަލީގެ އަލާމާތެއް ފެނިއްޖެނަމަ ލަސްނުކުރައްވާ ޑޮކްޓަރަށް ދެއްކުމަށް އެޗްޕީއޭއިން ވަނީ އިރުޝާދުދީފަ އެވެ.

މި ބަލިން ރައްކާތެރިވުމަށް ކުރަންޖެހޭ ކަންކަމުގެ ގޮތުގައި އެޗްޕީއޭއިން ބުނެފައިވާ ކަންކަމަކީ:

• ހުސްފައިގާ މަގުމަތީގަޔާއި، ވެލީގައި ނުހިނގުން
• މަގުމަތީގައި އުޅޭ ބުޅަލާއި، އެ ބުޅަލުގެ ނަޖިހުގައި ނުޖެހުން
• ބުޅާ ގެންގުޅޭ ފަރާތްތަކުން ބުޅާ ޑީވޯމް ކުރުން
• ބުޅަލުގެ ލިޓާ ބޮކްސް ސާފުކުރާއިރު އަންގި ބޭނުން ކުރުން
• ގިނަގައިން ސައިބޯނި ލައިގެން އަތް ދޮވުން
• ކުޑަކުދިން ޕާކުފަދަ ތަންތާނގާއި އުޅޭއިރު ވެއްޔަށް އަތްލިޔަ ނުދިނުން

ގުޅުންހުރި ލިޔުންތައް

ފަހުގެ ލިޔުންތައް