ކޮރޯނާވައިރަސް ޖެހިގެން ކުރިއަށް އޮތް ތިން ހަފްތާގެ ތެރޭގައި އެމެރިކާއިން އެކަނިވެސް 92،000 އަށްވުރެ ގިނަ މީހުން މަރުވާނޭކަމަށް ސެންޓަރ ފޯރ ޑިޒީސް ކޮންޓްރޯލް އެންޑް ޕްރިވެންޝަން (ސީޑީސީ)އިން ލަފާކޮށްފި އެވެ.

އެމެރިކާގައި ކޮވިޑް-19 ވެކްސިން ދޭން ފަށާފައި ވީނަމަވެސް، އެޤައުމުން ޕޮޒިޓިވްވެ، މަރުވާ މީހުންގެ އަދަދަކަށް އަދި ބަދަލެއް ނާދެއެވެ. އެހެންނަމަވެސް، މިހާރު ވެކްސިން ދެމުންދާ ގޮތަށް ހުއްޓާނުލައި ކުރިއަށް ގެންގޮސްފިނަމަ، ވައިރަސްގެ ނިމުން ފެންނާނޭކަމަށް ސިއްހީ މާހިރުން ވަނީ ބުނެފަ އެވެ.

ކޮވިޑް ޓްރެކިން ޕްރޮޖެކްޓްއިން ދައްކާގޮތުގައި އެމެރިކާގައި މިހާރުވެސް 130،300 އަށްވުރެ ގިނަ މީހުން ކޮވިޑް ޖެހިގެން ހޮސްޕިޓަލްތަކުގައި އެޑްމިޓްކޮށްފައި ކޮށްފައި އެބަތިއްބެވެ. އަދި ކުރިއަށް އޮތް މޫސުމުގައި މިއަދަދު ދެގުނަ ވާނޭކަމަށް އޮފިޝަލުން ލަފާކުރެއެވެ.

އެމެރިކާއިން ކޮންމެ ދުވަހަކު އެތައް ހާސް މީހުންނެއް ކޮވިޑް-19 ޖެހިގެން ރިޕޯޓް ކުރެއެވެ. އެގޮތުން މި މަހުގެ މިހާތަނަށް އެކަނިވެސް އެޤައުމުން ވަނީ މުޅިން އަލަށް ތިން މިލިޔަނަށްވުރެ ގިނަ މީހުންނަށް ވައިރަސް ޖެހިފަ އެވެ.

ގުޅުންހުރި ލިޔުންތައް

ފަހުގެ ލިޔުންތައް