ޓްރީ ޓޮޕް ހޮސްޕިޓަލުން ކަކުލުހުޅުގެ ބޮޑު އޮޕަރޭޝަނެއް ކާމިޔާބުކަމާއި އެކު ކޮށްފިއެވެ. މއީ މި ފަހަކަށް އައިސް ރާއްޖޭގައި ކުރެވުނު މިފަދަ އެންމެ ބޮޑު އޮޕަރޭޝަނެވެ.
މީގެ ކުރިން ވެސް ކަނާތު ކަކުލުހުޅު 2 ފަހަރެއްގެ މަތިން ބަދަލުކޮށްފައިވާ އުމުރުން 62 އަހަރުގެ މި ފިރިހެން މީހާގެ އޮޕަރޭޝަން ކުރެއްވީ މަޝްހޫރު ޑޮކްޓަރ، ޑރ. އަލީ މުޒުނީ އެވެ.
ޓްރީޓޮޕުން ބުނިގޮތުގައި މީގެ ކުރިން ބަލި މީހާގެ ކަނާތު ކަކުލުހުޅު 2 ފަހަރެއްގެ މަތިން އޮޕަރޭޝަން ކޮށްފައި ވިނަމަވެސް، އަލުން ކުރަންޖެހުނީ ދިމާވި އެކްސިޑެންޓެއްގެ ސަބަބުން ދެވަނަ ފަހަރު ލައްވާފައި ހުރި ހުޅުގެ މަތީކައިރިން ކަށިގަނޑު ބިންދައިގެން ގޮސް ހުޅުގެ ދެއަރިމަތީ ލިގަމެންޓުވެސް ވަނީ އަލުން ބޭނުންނުކުރެވޭ ވަރަށް ކަނޑައިގެން ދިއުމުން ކަމަށެވެ.
އެހެންކަމުން ފަރުވާއެއްގެ ގޮތުގައި ކަށިގަނޑު ކޮޅުން ބައެއް ނެގުމަށްފަހު ޚާއްސަ މަސްނުވީ މައުދަނުގެ ބައެއް ކަށިގަނޑުގެ ކޮޅާ ގުޅުވާލާފައިވާ ކަމަށާއި، މިހުޅު ބަދަލުކުރުމަށް ބޭނުންކުރީ މިކަމަށް ޚާއްސަ މެގަ ޕްރޮސސްތެޓިކްއެއް ކަމަށް އެހޮސްޕިޓަލުން ބުނެއެވެ.
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (0)