އިސްތިހާރު
އިސްތިހާރު
ކޮރޯނާވައިރަހުގެ އާ ވޭރިއަންޓް ޔޫރަޕުގެ ގިނަ ގައުމުތަކަކުން ފެންނަން ފަށާފައިވާ ކަމަށް ސައެންސްވެރިން ބުނެފި އެވެ.
އިނގިރޭސި ވިލާތުން ފެނިގެން އުޅޭ ކޮރޯނާވައިރަހުގެ އާ ވޭރިއަންޓް ފެނިފައިވާ ޤައުމުތަކުގެ ތެރޭގައި ފްރާންސް، ސްޕޭން، ސްވިޑަން އަދި ސްވިޒަލެންޑް ހިމެނެ އެވެ.
ކުރިން ވަނީ ޑެންމާކް، އޮސްޓްރޭލިއާ އަދި ނެދަލޭންޑްސް އިން ވެސް ފެނިފަ އެވެ. ޔޫކޭ އިން ޖަޕާނަށް ހުކުރު ދުވަހު ދަތުރުކުރި ފަސް މީހެއްގެ ފަރާތުން ވަނީ އާ ވައިރަސް ފެނިފަ އެވެ.
އަދި ކޮރޯނާވައިރަހުގެ އާ ވޭރިއަންޓެއް އިނގިރޭސި ވިލާތުން ފެނުމާ އެކު ޔޫރަޕުގެ ގިނަ ގައުމުތަކަކުން ވަނީ ޔޫކޭގެ ދަތުރުވެރިންނަށް ބޯޑަރުތައް ބަންދުކޮށްފަ އެވެ.
ކޮވިޑްގެ އާ ވޭރިއަންޓް ފަސޭހަ އިން ފެތުރުނު ނަމަވެސް އެއީ އެހާ ނުރައްކާ ވައްތަރެއް ނޫން ކަމަށް ތަޖްރިބާކާރުން ބުނެ އެވެ.
އިސްތިހާރު
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (0)