އޭޝިޔާ-ޕެސިފިކް ރީޖަންއަށް ކޮވިޑް-19 ވެކްސިން ފޯރުކޮށްދެވޭނެ ކަމަށް ބެލެވެނީ އަންނަ 2021 ވަނަ އަހަރުގެ މެދުތެރެ ނުވަތަ ފަހުކޮޅުގައި ކަމަށް ދުނިޔޭގެ ސިއްހަތު ޖަމިއްޔާ (ޑަބްލިޔުއެޗްއޯ) އިން ބުނެފި އެވެ.
ޑަބްލިޔުއެޗްއޯގެ ރީޖަނަލް ޑިރެކްޓަރ ޑރ. ޓަކޭޝީ ކަސާއީ އިންޑޮނޭޝިޔާގައި ހުންނަވައިގެން ވިދާޅުވީ ކޮވިޑް-19 ވެކްސިނަށް މިހާތަނަށް ކުރިމަތިވި އެންމެ ބޮޑު ގޮންޖެހުމަކީ ރައްކާތެރި އަދި ބޭނުންތެރި ވެކްސިނެއް އުފެއްދުން ކަމަށެވެ. އަދި ދެވަނަ ގޮންޖެހުމަކީ ދުނިޔޭގޭ އާބާދީއަށް ވާވަރަށް ވެކްސިން އުފައްދާ ފޯރުކޮށްދިނުން ކަމަށް އޭނާ ވަނީ ވިދާޅުވެފަ އެވެ.
ދުނިޔޭގެ ކުރިއަރާފައިވާ ބައެއް ޤައުމުތަކުގައި މިހާރުވެސް ވަނީ ކޮވިޑް ވެކްސިން ގަނެ އެ ޤައުމުތަކުގެ ރައްޔިތުންނަށް ދޭން ފަށާފަ އެވެ. އަދި ރާއްޖެ ފަދަ ބައެއް ޤައުމުތަކުން ވަނީ ކުރިއަށް އޮތް މަދު މަސްތަކެއްގެ ތެރޭގައި ކޮވިޑް ވެކްސިން ދޭން ފެށޭނެކަމަށް ލަފާކޮށްފަ އެވެ.
ޑަބްލިޔުއެޗްއޯގެ ރިޕްރެޒެންޓޭޓިވްސް ލަފާކުރާ ގޮތުގައި ކޮވިޑް ވެކްސިން ލިބުނު ނަމަވެސް އަދި ލިބޭނީ ލިމިޓް އަދަދަކަށެވެ.
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (0)