އިނގިރޭސިވިލާތުގައި ކޮވިޑް-19 ވެކްސިން ޕްރޮގްރާމް ފެށިތާ ފުރަތަމަ ހަފްތާގައި އެކަނިވެސް 130،000 އަށްވުރެ ގިނަ މީހުންނަށް ވެކްސިން ދީފައިވާ ކަމަށް އެ ޤައުމުން ބުނެފި އެވެ.

ވެކްސިން ރޯލް އައުޓްގެ އިންޗާޖް މިނިސްޓަރ ނަދީމް ޒަހަވީ ވިދާޅުވިގޮތުގައި މި މަހުގެ 8 ން 15 އާއި ދެމެދުގައި 137،897 މީހުންނަށް ވަނީ ކޮވިޑް-19 ވެކްސިން ދީފަ އެވެ. އެޤައުމުގައި އަދި ދެމުންދަނީ ފައިޒާ އާއި ބަޔޯޓެކްއިން އުފައްދާފައިވާ ކޮވިޑް-19 ވެކްސިންގެ ފުރަތަމަ ޑޯޒެވެ.

އަދި މިނިސްޓަރ ޒަހަވީ ކުރެއްވި ޓްވީޓްގައި ވަނީ މިއީ ވަރަށް ވެސް ރަނގަޅު ފެށުމެއްކަމަށް ވިދާޅުވެފަ އެވެ.

އިނގިރޭސިވިލާތުގައި މި ހަފްތާ ނިމޭ ހިސާބަށް މަދުވެގެން 200 ލޯކަލް ކްލިނިކްތަކުގައި ވެކްސިން ދޭން ފެށޭނެ އެވެ. އަދި ކުރިއަށް އޮތް ހަފްތާތަކުގައި މި އަދަދު ހާހަކަށް އިތުރުކުރާނެ އެވެ. އޭރުން މި އަދަދު އިތުރުވެގެން ދާނޭކަމަށް ލަފާކުރެވެއެވެ.

އިނގިރޭސި ވިލާތުގެ ސަރުކާރުން ވަނީ އުމުރުން 50 އަހަރުން މަތީގެ އަދި ބޮޑެތި ބަލިތައް ތަހައްމަލް ކުރަމުންދާ 25 މިލިޔަނަށް ވުރެ ގިނަ މީހުން ވެކްސިން ޖެހުމަށް ނިންމާފަ އެވެ.

އެހެންނަމަވެސް މި އަދަދު އިތުރުވުމާއެކު އެ ޤައުމުގައި މަަސައްކަތް ކުރާ ސިއްހީ އެހީތެރިން އިތުރުކުރަން ޖެހިދާނެ ކަމުގެ ބިރުވަނީ ބޮޑުވެފަ އެވެ.

ގުޅުންހުރި ލިޔުންތައް

ފަހުގެ ލިޔުންތައް