ފާއިތުވި ނުވަ މަސްތެރޭގައި ސިންގަޕޫރަށް އެ ކި ޤައުމުތަކުން ހިޖުރަކޮށްފައިވާ ބިދޭސީ މަސައްކަތު މީހުންގެ ތެރެއިން ދެބައިކުޅަ އެއްބައި މީހުން ކޮވިޑަށް ޕޮޒިޓިވް ވެފައިވާ ކަމަށް އިންސާނީ ހައްގުތަކަށް މަސައްކަތް ކުރާ ގްރޫޕަކުން ބުނެފި އެވެ.
މި ގްރޫޕުން ނެރުނު ތަފާސް ހިސާބުތަކުން ދައްކާގޮތުގައި ސިންގަޕޫރުގައި އުޅޭ ބިދޭސީ މަސައްކަތްތެރިންގެ ތެރެއިން 152،000 މީހުންނަށް ވަނީ ކޮވިޑު ޖެހިފައެވެ. މިއީ 47 އިންސައްތައިގެ އަދަދެކެވެ. މިއީ ލަންޑަނުން ކޮވިޑަށް ޕޮޒިޓިވް މީހުންގެ 11 އިންސައްތަ އިތުރު އަދަދެކެވެ.
ސިންގަޕޫރުގައި ކޮވިޑްގެ ކޭސްތައް އެންމެ ގިނަވެފައި ވަނީ އޭޕްރީލް މަސްތެރޭގައެވެ. އަދި އެ ދުވަސްވަރު އެ ޤައުމުން ވަނީ ލޭބަރ ކުއާޓަރ ފަދަ ތަންތަނުގައި ކޮޓަރި ޝެއާ ކޮށްގެން އުޅޭ ގިނަ ފިރިހެން ބިދޭސީ މަސައްކަތްތެރިންނަށް ކޮވިޑް ޖެހިފަ އެވެ.
ނަމަވެސް ފާއިތުވި ދެތިން މަސްތެރޭގައި ސިންގަޕޫރުން ފެންނަ ކޮވިޑް ކޭސްތަކުގެ އަދަދު ވަނީ ގާތްގަނޑަކަށް ސުމަކަށް ވެއްޓިފަ އެވެ. އެހެންވެ އެ ޤައުމުގެ ސަރުކާރުން ވަނީ އަޅާފައިވާ ހަރުކަށި ފިޔަވަޅުތަކަށް ލުއި ދީފަ އެވެ.
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (0)