މިއީ ވަރަށް ގިނަ މީހުންގެ އުފެދޭ ސުވާލެކެވެ. އަދި ވަރަށް ގިނަ ފަހަރަށް ފަރުވާ ކުޑަކޮށްލެވޭ ކަމެކެވެ. 6 ފޫޓު ދުރުގައި ހުންނައިރު އަހަރެން ކޮންމެހެން މާސްކްއަޅަންޖެހޭ ހެއްޔެވެ؟
ސިއްހީ މާހިރުން ލަފާ ދޭގޮތުގައި އާންމުތަންތަނުގައި އިޖުތިމާއީ ގައިދުރުކަން ބެހެއްޓި ނަމަވެސް، މާސްކް އެޅުމަކީ ކޮންމެހެން މަޖުބޫރު ކަމެކެވެ.
އެމެރިކާގެ ސެންޓަރސް ފޯ ޑިޒީޒް ކޮންޓްރޯލް އެންޑް ޕްރިވެންޝަން (ސީޑީސީ) އިން ބުނެފައިވާ ގޮތުގައި، ހުރިހާ ތަނެއްގައި ހުރިހާ ވަގުތެއްގައި ހަ ފޫޓުގެ ދުރުމިނެއް ބެހެއްޓުމަކީ ނާދިރުކަމެކެވެ. ހާއްސަކޮށް ޖާގައިގެ ގޮތުން ދަތި، އަދި ވައި ދައުރުނުވާ ތަންތަނުގައި ވައިރަސް ފަސޭހައިން އެކަކު އަނެކެއްގެ ގަޔަށް ދަތުރުކުރުމުގެ ފުރުސަތު އޮވެއެވެ.
އެހެންކަމުން ސިއްހީ މާހިރުން ވަނީ އާންމު އެއްވުންތަކުގައި ، އެއީ ހާމަތަނެއްގައި 6 ފޫޓުގެ ދުރުމިނެއް ހުރި ނަމަވެސް މާސްކް އެޅުން މުހިއްމުކަމަށް ބުނެފަ އެވެ.
އަދި މާސްކް އެޅި ނަމަވެސް އެންމެ ބުއްދިވެރި ގޮތަކީ ހަ ފޫޓުގެ ދުރުމިނެއް ބެހެއްޓުމެވެ. ސަބަބަކީ ވާހަކަދެއްކުމުގެ ތެރެއިން އަޑުބާރުކޮށް ވާހަކަދެއްކުމާއި، ލަވަކިޔާ ކަސްރަތުކޮށް ހެދުމުގެ ތެރެއިން އަނގައިގައި ހުންނަ ޖަރާސީމު ވައިގެތެރއިން ފުދޭވަރަކަށް ދުރަށް ދަތުރުކުރާތީ އެވެ.
ވާރޖީނިއާ ޓެކްގެ ޕަބްލިކް ހެލްތް އެކްސްޕާޓެއް ކަމަށްވާ ލިސާ އެމް. ލީ ވިދާޅުވިގޮތުގައި ގެއިން ބޭރަށް ދާނަމަ މާސްކް އެޅުމާއި ގައިދުރުކަން ބެހެއްޓުން އަދި އަތް ސާފުކޮށް ބެހެއްޓުމަށް އެއްވަރަކަށް ސަމާލުކަން ދޭން ޖެހެއެވެ. އަދި އެންމެ ކުޑަމިނުން މާސްކް އެޅުމަށް އޭނާ ވަނީ އެދިފައެވެ.
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (0)